web counter
LEXO PA REKLAMA!

SHKARKO APP

App Store
Google Play

E fundit!

x

Kujdes! Ja çfarë ndodh në trurin tuaj kur debatoni me dikë

1 Janar 2020, 12:10, Aktualitet CNA

Nga Andreas Kappes ?The Conversation?

* Të gjithë mund të keni qenë në një situatë të tillë. Pra në mesin e një debati të fortë, kur humbni çdo lloj respekti për palën kundërshtare. Pavarësisht nëse po diskutohet mbi zgjedhjet e fundit patrlamentare në vend, apo kujdesin ndaj fëmijëve, ju ndiheni sikur argumentet tuaja nuk vlerësohen, dhe madje as që merren parasysh.

Por a keni menduar ndonjëherë, se çfarë po ndodh saktësisht në mendjen e njeriut përballë? Në një studim të kohëve të fundit, të botuar në ?Nature Neuroscience?, unë bashkë me kolegët regjistruam aktivitetin e trurit të njerëzve gjatë një debati.

Në eksperimentin tonë, ne u kërkuam 21 çifteve vullnetare për këtë eksperiment, të marrin disa vendime të natytës financiare. Secili duhej të vlerësonte vlerën e pasurive të patundshme, dhe të vinte bast një shumë parash mbi vlerësimin e tij. Sa më të sigurtë të ishin në vlerësimin e tyre, aq më shumë para do të fitonin.

Secili nga vullnetarët, iu nënshkrua një skaneri në tru gjatë kryerjes së detyrës, në mënyrë që ne të regjistronim aktivitetin e tyre celebral. Të dy skanerët ndaheshin nga një mur prej xhami, dhe vullnetarët mund të shihnin në ekranin e tyre, vlerësimet dhe bastet e vëna nga personi.

U vu re se kur vullnetarët binin dakord për çmimin e pasurive të paluajtshme, secili prej tyre ishte më i sigurt në vlerësimin e vet, ndaj vinin bast më shumë para për të. Kjo është diçka që ka kuptim. Nëse unë bie dakord me ju, atëherë ti ndihesh më i sigurtë, se duhet të kesh të drejtë. Aktiviteti i trurit të secilit nga vullnetarët, reflektoi ndërkohë kodimin e besimit të partnerit të tyre.

Në veçanti, aktiviteti i një rajoni të trurit, të quajtur korteksi frontal anësor i poshtëm, që ne e dimë tashmë se përfshihet në disonancën konjitive, gjurmoi besimin e partnerit. Ne zbuluam se sa më i sigurt ishte një vullnetar, aq më i sigurt bëhej partneri dhe anasjelltas. Sidoqoftë – dhe kjo është pjesa interesante – kur njerëzit nuk binin dakord, truri i tyre bëhej më pak i ndjeshëm ndaj forcës së argumentit që kishin të tjerët.

Pas debateve, korteksi frontal nuk mund të gjurmonte më besimin e partnerit. Për rrjedhojë, mendimi i partnerit që nuk binte dakord me mendimin e kolegut, kishte pak ndikim në bindjen e tjetrit se ai kishte. Ne dyshojmë se kur mosmarrëveshjet kanë të bëjnë me tema të nxehta si politika, njerëzit kanë edhe më pak të ngjarë të marrin parasysh forcën e mendimeve të kundërta, me ato që kanë vetë ata.

Gjetjet në studimin tonë, mund të hedhin dritë mbi disa prirje shqetësuese të kohëve të fundit në shumë vende. Për shembull, gjatë dekadës së fundit, shkencëtarët e klimës janë shprehur të bindur se ndryshimet klimatike po shkaktohen nga njeriu. Por, një studim i Qendrë Kërkimore Pju në SHBA, tregon se përqindja e republikanëve që besojnë se ky koncept është i vërtetë, ka rënë shumë.

Ndërsa ekzistojnë arsye komplekse, kjo mund të lidhet edhe me një paragjykim se si forcohen mendimet e njerëzve të tjerë në trurin tonë. Gjetjet e studimit, mund të përdoren për të kuptuar edhe ngjarjet e fundit politike. Shihni seancat e fundit të fajësimit kundër presidentit amerikan Donald Trump.

Studimi ynë sugjeron që nëse një dëshmitar shfaqet ?i qetë, i sigurt dhe që i qëndron fakteve? (siç u përshkrua zyrtari i qeverisë Bill Tejlor gjatë seancave dëgjimore) ose ?i paqëndrueshëm dhe i pasigurtë? (siç u përshkrua ish-shefi i FBI-së, Robert Myler kur dëshmoi mbi hetimin ndaj Trump në korrik), kjo ka pak rëndësi për ata që tashmë e kundërshtojnë impeachment-in kur dëshmitë janë kundër presidentit.

Por ato ndikojnë në bindjen e atyre, që janë në favor të fajësimit. Pra, si mund t?i rrisim shanset tona, për t?u dëgjuar nga anëtarët e një grupi kundërshtar? Studimi ynë ofron mbështetje të re për një ?recetë të provuar dhe të testuar?, që sugjeron gjetjen e gjuhës së përbashkët.

Për shembull, merrni rastin e përpjekjeve për të ndryshuar bindjen e prindërve që refuzojnë t?i vaksinojnë fëmijët e tyre, pasi besojnë në mënyrë të gabuar se vaksinat shkaktojnë autizëm.

Është vërtetuar se paraqitja e dëshmive të forta që e hedhin poshtë këtë lidhje, ndikon pak për ndryshimin e mendjes së tyre. Përkundrazi, vetëm të fokusuarit në faktin se vaksinat i mbrojnë fëmijët nga sëmundje potencialisht vdekjeprurëse, mund të arrijë qëllimin që prindërit të pranojnë vaksinimin e fëmijëve të tyre./ Përshtatur nga CNA.al





Lajmet e fundit nga