Gjekmarkaj skanon politikën/ “Shuplakë” Ramës, mesazhi për opozitën

27 Dhjetor 2019, 14:14, Politikë CNA

Analisti i njohur, Agron Gjekamarkaj ka bërë sot një analizë të detajuar për zhvillimet e vitit 2019, ku theksin kryesor e vendosi tek përplasjet politike dhe dëmi që kjo ka shkaktuar për mirëqenien e qytetarëve dhe për rendin demokratik.

I ftuar në rubrikën ?Opinion? në ?Neës24?, tha se ngjarja më e rëndë për 2019, mbetet tërmeti tragjik i 26 nëntorit, si pasojë e të cilit 51 qytetarë humbën jetën dhe qindra të tjerë mbetën pa shtëpi.

?Tërmeti i 26 nëntorit ishte ngjarja më e rëndë e 2019. Tërmeti ishte aq i rëndë dhe i befasishëm sa shkaktoi tragjedi të madhe. Tërmeti la pas një traumë të madhe psikologjike. Ra kjo fatkeqësi dhe ndoshta duhet të shihemi me njëri-tjetrin, që duke bërë bilance duhet të mësohemi se çfarë duhet të ndreqim.Mendoj se kemi tre shkallë solidariteti. E para, është e solidaritetit mes shqiptarëve, pavarësisht varfërisë. Ishte solidariteti që na dhanë miqtë tanë, ndërkombëtarët. Për hir të së vërtetës, edhe politika reagoi në mënyrë tjetër, kur them politika, kuptohet se qeveria është ajo e para që duhet të shtrijë dorën.

Edhe opozita e luajti rolin e saj të solidaritetit mjaft pozitiv. Përtej momentin të parë që duhet për të marrë kohë dhe për të bërë bilancin, pastaj barra kryesore bie mbi atë që qeveris. Qeveria ka premtuar shumë në të nxehtin e tragjedisë, nëse ato nuk do të mbahen do të jenë gënjeshtrat më tragjike. E kamë fjalën për shtëpitë që do të ndërtohen, për të cilën është dhënë edhe afate.?-tha Gjekmarkaj.

Analisti u ndal konkretisht tek puna e qeverisë, ndërsa shtoi se kryeministri Edi Rama është personi me rekorde me negative përgjatë 30 viteve në Shqipëri.

?Është shndërruar në psikozë, ekonomia është ku thërret qameti. Unë nuk shoh një kryeminstër me bilanc më të dobët në këto 30 vite. Nga 2020, pres që të këtë më shumë arsye, të kultivojnë besim ndaj njerëz tjetrës dhe të ketë një reformë zgjedhore që të japë garanci maksimale për një proces të lirë dhe të ndershëm. Vendosja në krye të SPAK, një hetues të komunizmit, ti shton më tej marazet për këtë drejtësi.?-deklaroi Gjekmarkaj.

Mes tjerash, Gjekmarkaj analizoi edhe opozitën, ku pohoi se ajo mbetet aktualisht e vetmja shpresë për një rotacion politik në vend, pasi sipas tij, në këto shtatë vite qeverisja nga Rama ka vdekur shpresa dhe qytetarët janë larguar në mënyre masive jashtë vendit.

?Një nga problemet e opozitës, është inkoherenca që ka dëshmuar mes fjalësve dhe akteve. Njerëzit opozitës i janë përgjigjur të shumtë, sepse protesta e opozitës kanë qenë masive dhe në këtë aspekt ata e kanë bërë efektin e tyre. Pas kësaj, opozita pas fazës së revolucionit demokratik,ka kaluar në një fazë heshtje.

Ndodhi mesa shohim se i ka mpirë të gjithë tërmeti, duke lënë politikën pak mënjanë. Nuk e di nëse opozita po merret me veten, por do të ishte jetike të merrej. Opozita duke parë zhvillimet politike, gjërat që kanë ndodhur, krizat, thyerjet, si e vetmja shpresë për rrotacion mbetet opozita. Ajo duhet të hapet, duhet të luftojë me programe. Ndryshe në këtë vend as nuk vjen ndryshimi, por as nuk ka shpresë.?-deklaroi Gjekmarkaj./ CNA.al