E fundit!

10:54 Aktualitet

Dosja Meta/ Sot seanca në GJKKO, mbështetësit e ish-presidentit para gjykatës

Sot në GJKKO do të zhvillohet seanca ndaj ish-Presidentit ...

Dënohet për shpifje ndaj Ramës/ Reagon zyra e ish Kryeministrit Berisha

27 Dhjetor 2019, 18:30, Politikë CNA

Zyra e ish Kryeministrit Sali Berisha ka reaguar ndaj vendimit të Gjykatës së Tiranës, e cila e dënoi me një gjobë prej 5 milion lekë (të vjetra) ish liderin e PD-së, bazuar në padinë për lajme të rreme, e ngritur nga kryeministri Edi Rama.

Ish Kryeministri Berisha e ka parë këtë dënim si vazhdim të fushatës kundër fjalës së lirë, duke theksuar se artikulli i vitit 2018 për të cilin Berisha është dënuar, jo vetëm që shfaqte një lajm që nuk ishte i përgenjështruar por ngrinte gjithashtu argumenta politike për keqqeverisjen e Ramës. Kështu, padia ndaj Berishës ishte politikisht e motivuar.

“Në vazhdën e fushatës së kufizimit të fjalës së lirë dhe informacionit në Shqipëri, kryetari i narkoshtetit Edi Rama, duke keqpërdorur gjykatat e shantazhuara nga vettingu dhe të etiketuara si KÇK, sot nepermjet Gjykatës së Tiranës vendosi pranimin e pjesshëm të padisë së tij për cënim nderi dhe dinjiteti (kërkohej 1 milion lekë). Objekt i shqyrtimit ishte një postim ne facebook i Berishës, në të cilin ilustrohej dhe bëhej një koment politik mbi një artikull të publikuar më parë nga media të pavarura.

Qartësisht në postim ngrihej një argument politik dhe ilustroheshin arsyet e ngecjes së procesit të integrimit europian të vendit, për shkak të keqqeverisjes, si dhe bëhej thirrje të lexohej i plotë artikulli i cili përbënte burimin e lajmit. U provua në gjykim se artikulli burim i lajmit as ishte përgënjeshtruar ndonjëherë ose të jetë shpallur i pavërtetë dhe as Rama nuk ka ndërmarrë deri më sot asnjë aksion civil ose penal ndaj prodhuesve të lajmit, por vetëm ndaj zotit Berisha të evidentuar qartazi si kundërshtar politik

Pra padia është në mënyrë të qartë politikisht e motivuar. Pranimi i padisë për shkaktim dëmi moral në këtë rast, përbën një rast të paprecedent pasi është kufizim flagrant i të drejtës dhe lirisë së shprehjes, si dhe bie në kundërshtim të hapur me jurisprudencën e Gjykatës së Lartë dhe mbi të gjitha me praktikën e Gjykatës Europiane për të Drejtat e Njeriut”, thuhet ne deklaratën e plotë të zyrës së ish Kryeministrit/CNA.al