web counter
LEXO PA REKLAMA!

SHKARKO APP

App Store
Google Play

Për herë të parë pas 2 shekujsh, Karedralja e Parisit nuk zhvillon meshën e Krishtlindjes

24 Dhjetor 2019, 11:55, Kosova & Bota CNA

Katedralja e Parisit, për herë të parë pas 221 vitesh nuk do zhvillojë meshën e Krishtlindjes, në mesnatën e datës 24-25 dhjetor. Kjo vjen si pasojë e zjarrit shkatërrues që përfshiu Katedralen pranverën e këtij viti.

Në këtë Katedrale janë zhvilluar meshat e mesnatës së Krishtlindjes akoma edhe gjatë dy luftërave botërore.

“Kjo është hera e parë që prej Revolucionit Francez që në Katedralen e Parisit nuk do të mbahet meshë për vigjiljen e Krishtlindjes,” tha rektori i Katedrales Patrick Chauvet për Associated Press.

Monumenti 855-vjeçar fetar dhe historik, aktualisht po restaurohet me ritëm intensiv, pas dëmtimëve të rënda që pësoi nga zjarri i cili shkatërroi pjesën më të madhe të strukturës së tij.

Shërbimi kishtar i Krishtlindjes për këtë vit, do të mbahet në një kishë tjetër gotike të quajtur Saint-Germain l’Auxerrois, që ndodhet në afërsi të Katedrales së famshme. Ajo kishë do të shërbejë gjithashtu si një shtëpi e përkohshme për skulpturën ‘The Virgin of Paris’ të Katedrales së Parisit, vepër kjo që u shpëtua nga zjarri./Përshtati nga Thesun.com, CNA.al





Lajmet e fundit nga