web counter
LEXO PA REKLAMA!

SHKARKO APP

App Store
Google Play

“Është kriminale të kalërosh mbi viktimat”/ Pallaska debaton me Dudushin: Mos ja fut kot

23 Dhjetor 2019, 21:57, Politikë CNA

Një tjetër përplasje e ashpër ka ndodhur mbrëmjen e sotme mes analistit Dastid Pallaska dhe gazetarit Alban Dudushi dhe shkak për këtë është bërë vizita e Iviça Daçiç në Prishtinë në vitin 2015.

Dudushi e pyeti analistin në emisionin ?Open? nëse ka marrë pjesë në protestën kundër Daçiç në atë kohë, duke e lidhur këtë me Masakrën e Reçakut.

Debati:

Dudushi: Nuk dole të protestosh dhe sot proteston. Natyrisht dhimbja e shqiptarëve për Masakrën e Reçakut është ndjerë, natyrisht dhe e kryeministrit…

Pallaska: Jo e kryeministrit…

Dudushi: Është dhe e kryeministrit…

Pallaska: Kur thua Masakra e Reçakut duhet të vesh pikë aty.

Dudushi: Masakra e Reçakut është e rëndë dhe çdo masakër është e rëndë, por është kriminale të kalërosh mbi viktimat.

Pallaska: Në radhë të parë tek masakra e Reçakut duhet pikë dhe jo “por”. Nuk ka “por” kur përmend masakrën.

Dudushi: Mos m’i deformo fjalët. Thashë “por” për ata që kalërojnë mbi viktimat. Disa atje në Prishtinë dhe disa këtu në Tiranë.

Pallaska: Po ta them edhe njëherë duhet pikë tek masakrat.

Dudushi: Po proteston në studio, protestove para dy ditëve. “Por” është për ata që reagojnë në Facebook dhe kalërojnë në kurriz të viktimave duke u thënë, ja ai jua ka bërë.

Pallaska: Në Facebook kanë reaguar familjarët e viktimave. Facebook kanë edhe familjarët e viktimave. Nuk jam dikush që linda në vitn 2000 dhe reagova me Facebook. Pastaj e dimë se kush është mjeshtër i Facebookut.

Dudushi: Po them edhe njëherë Masakra është e tmerrshme dhe thashë se besoj se këtë dhimbje e ndjenë të gjithë shqiptarët siç e ndjen dhe kryeministri. Por ta ngacmosh dhimbjen kjo është e pafalshme.

Pallaska: Masakra e Reçakut është kriminale.

Dudushi: Përgjigju për atë që të thashë.

Pallaska: Kritikën më të madhe e kanë marrë viktimat e krimeve. Kështu që mos ja fut kot/ CNA.al

 





Lajmet e fundit nga