web counter
LEXO PA REKLAMA!

SHKARKO APP

App Store
Google Play

Përfundon mbledhja qeveritare/ Rama rendit planet ambicioze për 2020

23 Dhjetor 2019, 17:32, Politikë CNA

Kryeministri Edi Rama pas mbledhjes vjetore të Qeverisë, ka shpalosur për mediat masat dhe planet qeveritare që sipas tij, do të fillojnë gjatë vitit 2020.

Rama renditi planet për vitin që vjen, pa u ndalur gjatë te rindërtimi, por duke u fokusuar tek ato plane disa prej të cilave u lane në hije për shkak të ngjarjes së madhe të tërmetit të 26 nëntorit.

Kryeministri renditi masa si rindërtime kampusesh studentore dhe universitetesh, fillim ndërtimi aeroportësh, rrugësh e tunelesh, zgjidhje përfundimtare të çështjeve të pronësisë dhe dixhitalizim i të gjitha shërbimeve që do të çojë në mbylljen e sporteleve. Rama theksoi se po të numërohen të gjitha veprat që do të bëjë Qeveria vitin e ardhshëm do të duhet të rrijë duke folur gjithë natën, pasi, pavarësisht të punës së madhe të rindërtimit pas tërmetit, Qeveria nuk ka hequr dorë nga ambiciet.

?Një pjesë e madhe e atyre që janë në banesa individuale, janë sistemuar. Ata të lagjeve të reja që do ndërtohen do të vijojnë të jenë me qera. Menjëherë pas vitit të ri do të vijojmë aktin kundër Krimit të organizaur dhe punën për kampusin e madh të Tiranës që do përfshijë QS, Akademinë e sigurisë ku do të ketë laborator shkencor si risi e rëndësishme për punën e policisë dhe në Akademinë e arteve do të rindërtohet. Kemi nisur procedurën për aeroportin e Vlorës dhe parkun e madh në Divjakë, do të shpallet procedura për rrugën Thumanë-Rrogozhinë, po punohet për tunelin e Llogarasë dhe një serë veprash të tjera, Shëngjin-Velipojë e të tjera të rëndësishme që po t?i numërojmë do të rrimë këtu deri pas darke. Kaloi në parlament ligji i ri mbi tokën. Kemi prioritet shërbimet online që do të hyjë në process që në janar, qytetarët nuk kanë nevojë të shkojnë në zyra e sportele por online dhe dokumentat do t?i garantojë shteti online. Do të mbyllen të gjitha sportelet për të mbyllur rryshfetet dhe rradhën. Edhe minishengeni është i rëndësishëm?, tha ndër të tjera Kryeministri Rama./CNA.al





Lajmet e fundit nga