E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

“E ftojmë të gjithë rajonin për të mirën e tij”/ Gjukanoviç: Mini-shengeni, progres drejt BE

21 Dhjetor 2019, 12:43, Politikë CNA

Presidenti i Malit të Zi, Milo Gjukanoviç , foli mbi samitin e minishengenit, të cilit ky i fundit i’u bashkua sot.

Gjukanoviç tha se minishengeni ballkanik do të sjellë rezultate pozitive jo vetëm në mirëqënien dhe bashkëpunimin rajonal, por për progresin në raport me rrugën e këtyre shteteve drejt Bashkimit Europian.

Presidenti i Malit të Zi theksoi se ky projekt ka rëndësi për të gjithë rajonin dhe do të ndihmojë akoma edhe shtetet të cilët nuk kanë marrë pjesë në këtë iniciativë. Përtej kësaj, Gjukanoviç i fton shtetet e tjera të rajonit që të bëhën pjesë dhe deklaron se samitin e rradhës do ta organizojë vetë ai, më Mal të Zi.

?Ju falenderoj që më dhatë rastin të punoj dhe të diskutoj me ju që kjo iniciativë e quajtur midis nesh minishengen mund të sjellë pasoja pozitive si për vendet iniciuese, si për të tjerët. Kjo iniciativë është përfshirëse dhe të gjithë që ja shohin të mirën, mund të bashkohen me të dhe nëse mendojmë se mund të sjellim një të mirë, le të bashkëpunojmë. Iniciativat rajonale krijojnë mundësi të shkëlqyera për të përmirësuar besimin midis vendeve të rajonit. Iniciativat rajonale forcojnë kapacitetet tona për bashkëpunim. Rama gjatë pjesës së punës përmendi mundësinë që Mali i Zi të mund të organizojë takimin tjetër dhe ne jemi të gatshëm të jemi mikpritësit e një iniciative të tillë. Duhet të bëjmë përpjekje që të përfshihen të gjithë ata që e shohin me initeres këtë rajon. Kemi folur për përmirësimin e lirive të ndryshme, tani është koha të përmirësojmë zbatimin në praktikë. Çdo iniciativë rajonale ka një mundësi për progres dinamik në drejtim të qëllimeve për në Bashkimin Europian. Popujt e rajonit tonë i takojnë sistemit europian të vlerave. Prandaj, iniciativat kanë kuptim nëse na çojnë drejt B.E? u shpreh Gjukanoviç.

Në samitin e minishengenit kanë marrë sot pjesë Kryeministri Rama, Presidenti serb Vuçiç, Kryeministri i Maqedonisë së Veriut Zaev dhe Presidenti i Malit të Zi, Milo Gjukanoviç./CNA.al