E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Kastriot Islami për Mini-Shengenin/ Mbështetet nga Rusia dhe Soros

23 Dhjetor 2019, 20:26, Politikë CNA

Ish-ministri i Jashtëm Kastriot Islami deklaroi se, marrëveshja e Mini-Shengenit Ballkanik është një nismë që i shërben Serbisë dhe është mbështetur nga Shqipëria për arsye personale të kryeministrit Edi Rama.

?Shqipëria sipas meje është futur në këtë lojë për arsye personale të Ramës, Pse? Kjo nismë nuk është e diskutuar as brenda qeverisë, as brenda parlamentit, as me presidentin, as me opozitën as me shoqërinë civile dhe as me median. Më e rënda është që nuk është diskutuar me asnjë nga institucionet në Kosovë. Kosova ka një vend të veçantë në këtë nismë. Kosova akoma nuk ka një status sepse nuk është njohur nga Serbia. Si mund të ulet në një tavolinë ku diskutohet për një nismë ku të gjitha vendet duhet të jenë të barabarta dhe një nismë gjithëpërfshirëse kur Serbia ka 36 marrëveshje me Kosovën të bëra në prezencën e BE dhe asnjë nuk është zbatuar sepse Serbia nuk e njeh Kosovën si shtet të pavarur dhe për më tepër nuk ka kërkuar as minimumin e ndjesës për ngjarjet që kanë ndodhur gjatë regjimit të Millosheviçit?, tha Islami në studion e ABC News.

Sipas ish-ministrit kjo nismë është mbështetur edhe nga Rusia dhe nga fondacioni ?Soros?.

Kastriot Islami: Rusia nuk ka mbështetur askënd në mënyrë eksplicitë por ka një shprehje gjenerike që do të mbështetë çdo nismë që është në interes të Serbisë. Kjo nismë që mendohet se është në interes të Serbisë pasi Vuçiç në intervista të ndryshme ka thënë se kjo nismë e vendos Serbinë në qendër, natyrisht që Rusia do e mbështesë këtë nismë. Pra kjo është një nismë me origjinë serbe por e mbështetur në mënyrë indirekte nga Rusia. Kjo është një marrëdhënie e deklaruar mes tyre. Për sa i përket ?Soros?, unë kam parë që në të 3 takimet që janë bërë, qoftë në Novisad, qoftë në Ohër, qoftë në Tiranë, ?Soros? ka qenë prezent. Konkretisht djali i tij ka qenë prezent që tregon se ka interes për këtë nismë?, tha Islami.

?Ideja për hamendësimet apo qëllimet vijnë nga fakti që nuk ka një transparencë për përmbajtjen, gjithmonë një nismë politike ka përmbajtjen, ka perceptime, a dhe synime të cilat nëse përmbajtja nuk ka transparencë fillojnë perceptimet dhe aq më tepër debati mbi synimet. Jemi në fazën qe nuk kemi asgjë të qartë se cili është programi i kësaj nisme. Përse është ?Soros? i interesuar për këtë nismë?Sepse është i interesuar të ruajë ndikimet e tij në ato vende ku ka patur influencë. Në Shqipëri ka patur influencë nëpërmjet qeverisë. Ka ndërtuar një ndikim edhe sa i përket lobistëve, ?Soros? vërtet është një biznesmen, por është dhe një faktor i rëndësishëm në lojën politike të SHBA, dmth kritikohet si pjesë e rëndësishme e ?deep state?. Zaev është edhe ai një produkt i mbështetjes së fondacionit ?Soros?, të kësaj pjese të SHBA, madje saqë në disa vende kundërshtare të SHBA e konsiderojnë ardhjen e Zaev nëpërmjet një revolucioni me ngjyrë, në pushtet. Kështu që të tre janë djemtë e dashur të ?Soros? dhe ndërkohë ?Soros? do që ta ruajë këtë influencë. Meqë të tre kërkojnë, për arsye të ndryshme, të marrin pjesë në këtë nismë ai është i gatshëm ti mbështesë. Mini-shengeni erdhi menjëherë pas refuzimit nga BE për hapjen e negociatave, që ishte si një nismë sfiduese dhe përgjigja pozitive apo negative lidhet me një qëndrim të Francës?, vijoi më tej ai./ CNA.al