web counter
LEXO PA REKLAMA!

SHKARKO APP

App Store
Google Play

Ngritja e SPAK drejt finalizimit/ Sot betimi i anëtarëve te Presidenti

19 Dhjetor 2019, 08:43, Vetingu CNA

Ngritja e Prokurorisë së Posaçme kundër Korrupsionit dhe Krimit të Organizuar, e njohur ndryshe si SPAK, duket se është drejt finalizimit.

Një ditë më parë, ka nisur gara për drejtuesin e SPAK.

Tre prokurorët në garë për të marrë drejtimin e SPAK, Altin Dumani, Edvin Kondilli dhe Arben Kraja zhvilluan dje intervistat para Këshillit të Lartë të Prokurorisë.

Kandidatët kanë qenë të ngjashëm në thelb. Vizioni i tyre i përbashkët ka qenë funksionimi i SPAK në mënyrë të pavarur.

Dosjet delikate dhe me impakt në opinionin publik janë parë dhe si kriteri mbi të cilat do të bazohet puna e drejtuesit të kësaj prokurorie.

Ndërkohë, ditën e sotme pritet që të bëhet betimi në presidencë i tetë anëtarëve të SPAK.

Dhe pikërisht në 20 dhjetor Gjykata dhe Prokuroria e Krimeve të Rënda do të pushojnë së funksionuari për t?i lënë vendit Prokurorisë dhe Gjykatës Antikorrupsion.

Objekt i punës do të jetë hetimi dhe gjykimi i korrupsionit të zyrtarëve të lartë dhe veprat penale që janë në kuadër të grupit te strukturuar kriminal.

Fillimisht kjo strukturë do të nisë me 8 anëtar, por kreu i SPAK ka të drejtën të kërkojë komandimin e prokurorëve të tjerë të përkohshëm deri në emërimin e prokurorëve të përzgjedhur të cilët duhet ti kalojnë të dyja shkallët e hetimit.

Aktualisht krimet e rënda kanë 400 dosje nga të cilat 130 do të ngelen për tu hetuar nga SPAK, ndërsa pjesa tjetër do të transferohen në prokuroritë e rretheve./ CNA.al





Lajmet e fundit nga