E fundit!

11:24 Aktualitet

SPAK merr të pandehur ish-kryebashkiakun socialist

SPAK ka marrë të pandehur ish-kryebashkiakun socialist të ...

Arben Kraja kërkon besimin e KLP për të drejtuar SPAK/ Garantoj suksesin e institucionit

18 Dhjetor 2019, 10:05, Vetingu CNA

Këshilli i Lartë i Prokurorisë po zhvillon sot intervistat me tre kandidatët që kanë aplikuar për të qenë në krye të Prokurorisë së Posaçme kundër Korrupsionit dhe Krimit të Organizuar (SPAK).

Kandidati i parë që intervistoi KLP, ishte Altin Dumani, ndërsa tani ka filluar intervista e kandidatit tjetër për kreun e SPAK, Arben Kraja.

Në fjalën e tij, Arben Kraja tha se ?Do të paraqes ne menyre te përmbledhur vizionin tim për drejtimin e SPAK. Jam ndërgjegjshëm për punën që na pret për ngritje dhe efektivitetit e kësaj strukture.

Vlerësoj KLP për mënyren profesionale dhe transparente në përzgjedhjen e prokurorëve për SPAK dhe sot për garën për drejtuesin e saj.

Kam eksperiencë drejtimi e cila garanton suksesin tim në drejtim të institucionit. Drejtuesi do të ketë eksperienca manaxheriale, njohuri administrative, financiare.?

Po ashtu ai tha se ka bashkëpunuar me organizatat ndërkombetare per draftimin për sekuestros parandaluese, imuniteti i zyrtarëve të lartë.

?Kërkoj besimin e KLP për të drejtuar këte institucion të ri ku të vë në praktike aftësite e mia drejtuese?-tha Arben Kraja.

Gjithashtu Arben Kraja tha se ?Publiku duhet të informohet në kohë për fillimin e hetimeve dhe për rezultatet e hetimeve?.

I pyetur nga kreu i KLP, Gent Ibrahimi se cili është ?Mendimi juaj për strukturën e SPAK sipas parashikimeve që ka ligji??, Kraja tha se ?Do të kemi dy seksione: kunder krimit të organizuar dhe kundër korrupsionit të zyrtarëve të lartë?.

Ai shtoi se ?Kemi dështuar në ndëshkimin e korrupsionit në nivel të lartë ose krimit të organizuar. Situata është shqetësuese.Nga pamja ligjore jemi të mbrojtur, dhe duket zbatimi korrekt i ligjit në praktike.Pavarësia e prokurorëve do të garantoje suksesin e këtij institucioni?.

?Nga 15 prokurorë që ka caktuar KLP për nisjen e SPAK kemi vetëm tetë. Kemi dy mundësi ligjore për plotesim: drejtuesi mund të caktojë një prokuror të përkohshëm që ploteson kriteret për të ushtruar veprimtari në SPAK.

E dyta, drejtuesi i SPAK mund të kërkojë PP prokurorë për një detyrë specifike në SPAK.

E treta është shpallja e vendeve vakante në SPAK nga KLP?-tha Arben Kraja./ CNA.al