E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Altin Dumani prezanton vizionin për drejtimin e SPAK/ Do t’i jepet fund korrupsionit dhe krimit të organizuar

18 Dhjetor 2019, 08:55, Vetingu CNA

Prokurori Altin Dumani është kandidati i parë për drejtimin e SPAK, që ka filluar sot intervistën para KLP-së.

Në fjalën e tij, Dumani tha se Prokuroria e Posaçme duhet të bëjë të mundur që cilido të ndëshkohet.

Ai theksoi se aktiviteti kriminal nuk është më model për t?u ndjekur, por fokusi i jepet qyetatarëve.

?Do t?i jepet fund korrupsionit, krimit të organizuar dhe pastrimit të parave. Kam bërë një plan të detajuar, por do të ndalem tek vizioni.?-tha Dumani.

Më tej, sa i takon strukturës së ardhshme të SPAK, ai tha se do të përbëhet nga dy ministruktura të rëndësishme, Byroja Kombëtare e hetimit dhe Prokuroria e Posaçme.

Po ashtu Dumani tha se ?Detyra e parë sa i takon pikëpamjes administrative është nxjerrja e një akti për organizim dhe funksionimin e SPAK. Nga pikmpanja proceduriale, detyra e parë është që dosjet që do transferohen për të qënë të kujdesshëm që të shmangen raste që mund të çojnë në shuarjen e masave të sigurimit.

Nga pikpamja e drejtimit të punës, prokurorët duhet të ndahen sipas specializimeve që ata kanë. Të paktën duhet të fillohet me dy seksione, hetimi i krimit të organizuar dhe hetimi i korrupsionit i kryer nga zyrtarët dhe ish-zyrtarët?.

Më tej, ai theksoi se duhet që sa më shpejt të fillojë edhe procedura për emërimin e drejtorit të BKH, pasi sikurse ai e theksoi puna e SPAK, do të vështirësohet pa Byronë Kombëtare të Hetimit.

Gjithashtu, ai tha se “Kam vlerësim për dy kolegët dhe atyre u uroj që t’u ecë mbarë. Cilido që të zgjidhet, marrëdhënia jonë nuk do të kriset. Synimi është që prokuroria të ruajë frymën e grupit. Kam kaluar 4-5 mijë dosje në duar dhe jam përballuar thuajse me të gjithë natyrën e veprave. Kam fituar jo vetëm profesionalizëm, por edhe maturi për të hetuar me kujdes. Unë kam qenë drejtues disa herë, kam qenë në Tropojë, zv/ drejtues te Krimet e Rënda, kam drejtuar 9 prokurorë dhe kam bashkëpunuar ngushtë.

Shumë cështje të tjera si banda e Lushnjes apo të tjera, kam qenë drejtues i prokurorëve që kanë ndjekur këto cështje. Kam qenë shumë aktiv në ato hetime, me orientime dhe diskutime dhe kolegët që kanë punuar me mua e ndjejnë dhe kanë pasur mbrojtjen time. Kam qenë edhe drejtues për hetimin e krimit te Prokuroria e Tiranës. Atje përfshiheshin disa institucione, doganat, tatimet, SHISH, ministria e Ekonomisë, etj. Paqartësitë ishin të mëdha, por e nisja me një memorandum. Karriera ime është fokusuar në luftën kundër krimit organizuar, kam demonstruar këtë”./ CNA.al