web counter
LEXO PA REKLAMA!

SHKARKO APP

App Store
Google Play

“Detajet e ligjit janë djallëzore”/ Përmeti: AMA kthehet në gjykatë, ka kompetenca të jashtëzakonshme

18 Dhjetor 2019, 14:09, Politikë CNA

Deputeti i Bindjes Demokratike, Andi Përmeti ka folur lidhur me ligjin e medias që pritet të votohet sot në parlament.

Sipas Përmetit nëse në themelet e ligjit do ishte kërkesa se portalet duhet të deklarohen kush i ka dhe sa punonjës kanë, atëherë ai do e mbështeste.

Përmeti shprehet se kjo kërkesë nuk është në themel të ligjit pasi detajet e ligjit janë djallëzore dhe sipas tij, përmes këtyre Rama do të kapë median e lirë.

?Rama e ka nisur këtë ligj duke u fshehur ndaj një kërkese të drejtë: Portalet duhet të deklarohen kush i ka, ku janë adresat e tyre dhe sa punonjës kanë.
Kjo është kërkesë e drejtë e ligjit dhe nëse kjo kërkesë do ishte në themel të ligjit unë do isha i pari që do e mbështesja. Detajet e këtij ligji janë djallëzore dhe përmes këtyre detajeve Rama do të kapë median e lirë. Rama e ka shftytëzuar këtë pushtet për të bllokuar fjalën e lirë. AMA kthehet në një gjykatë me këtë ligj. Ky është një ligj shumë problematik që ka kompetenca të jashtëzakonshme për AMA.
Që sot e tutje në një portal do jetë AMA që do vendosë nëse do e lerë lajmin apo jo?, u shpreh Përmeti nga foltorja e Kuvendit./CNA.al





Lajmet e fundit nga