web counter
LEXO PA REKLAMA!

SHKARKO APP

App Store
Google Play

“Rama ka sjellë një dimër ekonomik”/ Çfarë propozon Tabaku si zgjidhje

16 Dhjetor 2019, 14:09, Politikë CNA

Ish Deputetja e Partisë Demokratike, Jorida Tabaku shprehu shqetësimet e saj mbi gjendjen aktuale të bizneseve në Shqipëri, duke marrë si shembull një biznes fason me përfaqësuesin e të cilit ka folur personalisht.

Përfaqësuesi i biznesit u shpreh se taksat janë të larta për t?u përballuar dhe se kanë probleme me rimbursimin e TVSH dhe administratën tatimore. Një element tjetër që ka ndikuar negativisht tek të ardhurat e biznesit është edhe rënia e pashpjegueshme e euros.

Tabaku është shprehur se punonjësit paguhen pak por kanë një kosto të lartë jetese pasi shteti nuk u ofron shërbimet për taksat që u merr.

?Një biznes fason sot paguan 36.6% të fitimit në formë taksash shoqëruar kjo me 11% të fitimit që humbet nga rënia e pashpjegueshme e EURO-s, humbjet e biznesit janë afër 50% të fitimit. E gjitha kjo do të thotë më pak investime, rroga më të ulëta, kosto më e lartë dhe më pak vende pune?, ?shkroi Jorida Tabaku në rrjetet sociale.

Ish deputetja e PD ka propozuar politika alternative fiskale për t?i dhënë zgjidhje situatës së rënduar të bizneseve në Shqipëri, në mënyrë që të prodhohet një mjedis më i mirë dhe konkurencë më e ndershme.

?Prandaj ne propozojmë një alternativë për këtë situatë krize; propozojmë që biznesi të tatohet me 9%, që të ardhurat personale të punonjesve të shkojnë në 9%, që sigurimet shoqërore për punëdhënësin dhe punëmarrësin të jenë 18%. Këto politika fiskale do të prodhojnë një mjedis më të mirë biznesi, konkurencë të ndershme, luftë papunësisë dhe mbi të gjitha një rritje pagash pas një 7 vjeçari të mbytur në krizën e politikave të gabuara fiskale dhe dimrin ekonomik? tha Tabaku.

Ish deputetja theksoi se buxheti i shtetit për 2020 nuk e përmirëson, përkundrazi përkeqëson situatën e çdo biznesi./CNA.al





Lajmet e fundit nga