web counter
LEXO PA REKLAMA!

SHKARKO APP

App Store
Google Play

Përcillet në banesën e fundit 19-vjeçarja/ Vëllai i Rezartës nuk pranon në varrim bashkëshortin

16 Dhjetor 2019, 16:29, Politikë CNA

Ditën e sotme është përcjellë për në banesën e fundit Rezarta Xibrraku, 19-vjeçarja nga Librazhdi e cila u gjet me shenja të pakta jete në shtrat, së bashku me bashkëshortin e saj Olsi Hajdarin

3 ditë pasi ndërroi jetë, familjarët e Rezartës kanë zhvilluar varrimin, por nuk kanë lejuar bashkëshortin e saj dhe familjen e burrit të marrin pjesë.

Familja e 19-vjeçares fajëson familjen e bashkëshortit për vdekjen e vajzës, ndërsa kërkojnë të dinë se përse vdiq ajo.

Vëllai i saj Reshit Xibrraku tha se do të kërkojë drejtësinë deri në fund, pasi nuk beson se Rezarta u helmua nga mangalli me prush.

?Unë dua të di pse vdiq motra ime, se ajo ishte mirë nuk do të lë asnjë rehat. Do ta kërkoj drejtësinë deri në fund. Si vdiq, kush ja mori jetën. Jemi mbledhur të gjithë si fis, po shkojmë të denoncojmë. Çfarë pati motra, një javë pas dasme. Kush ja mori jetën motrës sime?, tha ai.

Nga ana tjetër Olsi Hajdari, i cili doli nga spitali pas helmimit, tha se mban mend që atë natë ai dhe Rezarta kishin marrë në dhomën e gjumit mangallin me prush se kishin ftohtë.

Kujtojmë se Olsi dhe Rezarta ishin martuar vetëm një javë më parë, ndërsa ekspertiza mjekoligjore ende nuk e ka thënë fjalën e fundit për shkakun e helmimit të dy të rinjve./ CNA.al





Lajmet e fundit nga