web counter
LEXO PA REKLAMA!

SHKARKO APP

App Store
Google Play

Vogëlushja 5-vjeçare shet kakao dhe biskota në rrugë/ Mbledh para për nxënësit e varfër

14 Dhjetor 2019, 17:30, Kosova & Bota CNA

Katelynn Hardee është një vajzë 5-vjeçare nga Kalifornia e cila shet në rrugë biskota dhe kakao të nxehtë, për të fituar para dhe për të paguar ushqimin në shkollë për nxënësit që nuk kanë mundësi ekonomike.

Një ditë vogëlushja kishte dëgjuar nënën e një fëmije në shkollë, e cila thonte se i paguante shpenzimet me shumë vështirësi. Pas kësaj vogëlushja kishte shkuar në shtëpi dhe i kishte treguar gjithçka mamasë.

“Ajo është shumë kureshtare. Dhe kështu ajo filloi të më bënte një mori pyetjesh dhe unë u përpoqa t’i përgjigjesha sa më mirë që të mundja për një pesë-vjeçare dhe thjesht i shpjegova asaj që disa njerëz nuk janë aq me fat sa ne”, tregoi Karina Hardee, nëna e Katelynn.

5-vjeçarja vendosi t?i ndihmonte këta nxënës në klasën e saj në Shkollën Fillore Breeze Hill. Nëna e saj tha se vogëlushja u ul në një rrugë për tre orë dhe shiti të gjitha biskotat dhe kakaon e nxehtë

“Unë lashë vetëm një shënim duke thënë që vajza ime po shiste kakao të nxehtë gjatë fundjavës për të mbledhur fonde për personat që nuk kanë mundësi ekonomike?, tregoi Karina, raporton ?Kron 4?.

Me paratë e mbledhura, Katelynn pagoi drekën për 123 nxënës, ndërsa po shikon si ta zgjerojë këtë veprimtari bamirësie.

Këtë javë, vogëlushja u nderua nga shkolla e saj edhe me një çmim për aktin e saj të bujarisë./ CNA.al





Lajmet e fundit nga