web counter
LEXO PA REKLAMA!

SHKARKO APP

App Store
Google Play

Oliver Varhelyi prezanton Metodologjisë së Re të Zgjerimit të BE-së/ Zbulohen 4 kriteret kryesore

11 Dhjetor 2019, 15:46, Politikë CNA

Komisioneri europian për zgjerimin dhe politikën e fqinjësisë në BE, Oliver Varhelyi, ka shpalosur linjat kryesore të metodologjisë së re për zgjerimin e Bashkimit Europian, metodologji për të cilën është përfolur që prej mosshapjes së negociatave për Shqipërinë dhe Maqedoninë e veriut.

Sipas kësaj metodologjie, procesi i negociatave do mbështetet në katër kritere: Besueshmëri, parashikueshmëri, dinamizëm dhe lidershiip politik.

?Ne kemi parashikuar që në janar të prezantojmë propozimin tonë. Gjatë propozimit do të dëshironim të përqëndrohemi te një grup kriteresh përmes të cilave ne mund të ndryshojmë metodologjinë e zgjerimit. Do të bazohemi në katër kritere. Së pari bëhet fjalë për besueshmërinë. Zgjerimi duhet të jetë i besueshëm për shtetet anëtare dhe insitutucionet europiane nga njëra anë dhe i besueshëm për partnerët tanë të Ballkanit Perëndimor, nga ana tjetër. Besueshmëria është një element shumë i rëndësishëm për gjithçka ne bëjmë. Nëse ne duam që zgjerimi të jetë i suksesshëm, atëherë ne do të na duhet ta bëjmë atë më të besueshëm.Më të besueshëm, do të thotë që të jetë gjithashtu më i parashikueshëm si proces për shtetet anëtare, si dhe për shtetet në procesin e anëtarësimit. Një proces mund të jetë i parashikueshën nëse ai është dinamik. Duhet të sigurojmë, se nëse arrihen rezultate nga njëra anë, duhet të ketë rezultate edhe nga ana tjetër. Elementi i katërt është lidershipi politik që do të duhet të jetë prezent në të gjithë procesin e zgjerimit. Këto janë katër elementet mbi të cilat ne do mbështetemi?, u shpreh Oliver Varhelyi.

Komisioneri Varhelyi synon të prezantojë metodologjinë e re në fillim të muajit janar dhe në të njëjtën kohë është angazhuar të punojë me shtetet anëtare si Franca, Hollanda dhe Damimarka për shqetësimet që mund të kenë lidhur me përmbushjen e kritereve të reformave të integrimit për hapjen e negociatave me Shqipërinë dhe Maqedoninë e veriut./CNA.al





Lajmet e fundit nga