E fundit!

11:26 Kronika

Trafik droge dhe organizatë kriminale/ Arrestohen në Durrës dy të kërkuarit ndërkombëtarisht

Dy persona të kërkuar ndërkombëtarisht janë arrestuar në D...

Shënim/ Rama dhe Veliaj, "kamxhikët" që nuk trembin mediat

11 Dhjetor 2019, 11:49, Politikë CNA

Edhe pse Shqipëria është në një situatë të jashtëzakonshme dhe vendi po kalon një moment mjaft të vështirë, jo vetëm politik, por edhe për shkak të tërmetit tragjik të 26 nëntorit, qeveria e ka mendjen të luftojë mediat.

Një ?sëmundje? kjo e të gjithë politikanëve kur vijnë në pushtet, por kushdo që kruhet apo bën këtë veprim, thjeshtë ikën nga pushteti.

Kështu ka ndodhur edhe me ish-kryeministrin Sali Berisha, kështu ka ndodhur edhe me Fatos Nanon, kështu ka për të ndodhur edhe me Edi Ramën.

Në qoftë se ai dhe “bojaxhiu” i tij në Bashkinë e Tiranës nuk e kuptojnë, sa më shumë presion dhe dhunë të ushtrojnë ndaj medias, aq më shumë të humbur e kanë betejën e tyre.

Së pari, një reformim i ligjit të medias apo një regjistrim i mediave online është i nevojshëm pa asnjë diskutim.

Por, së dyti qeveria nuk mund ta përdorë këtë për të ulur gjobat ndaj televizioneve të mëdha dhe mediave kryesore në vend, që i shërbejnë qeverisë, dhe t?i barazojë ato me portalet, duke tentuar që t?i shkatërrojë këta të fundit.

Së dyti, nuk mundet të dalë mbi gjykatën një komision kontrolli brenda AMA-s, i cili vendos që ti ta heqësh lajmin apo të gjobitesh. Ndërkohë që ky komision më pas vendimin e tij duhet ta miratojë tek bordi i AMA-s, që në fakt është një bord politik i zgjedhur nga parlamenti dhe kontrollohet në të gjitha rastet politikisht nga mazhoranca në pushtet.

Por, përtej këtyre gjobave apo kërcënimeve se do ta mbyllë portalin po gabove dy apo tre herë, Edi Rama së bashku me Veliajn harrojnë se ka një Kod Penal, ka një Kushtetutë, ka disa ligje që prevalojnë këto çmenduri që ata po ngrejnë si kamxhik ndaj medias.

Ka një Gjykatë të të Drejtave të Njeriut, dhe nuk ka për ta kaluar dot me censurë, shtantazh dhe dhunë, Rama dhe Lali i tij bojaxhi luftën që ka filluar ndaj medias.

Kushtetuta është e qartë. Çdo njeri ka të drejtën dhe lirinë e shprehjes. Dhe në rast se gazetarët thyejnë ligjet apo kryejnë një vepër penale, si shpifje, mashtrim e të tjera, apo shantazhet dhe më keq akoma gjobat, siç ndodh rëndom në Shqipëri, nga televizionet, emisionet apo dhe nga portalet, zgjidhja është Gjykata, është Prokuroria. Zgjidhja janë institucionet.

Regjistrimi i medias dhe formalizimi i saj patjetër që është një detyrë, por që të marrë vlerë, ajo nuk mund të kthehet në një shantazh. Rama po bën një hap, që edhe bota më demokratike nuk e ka zgjidhur ende, por ka mjaft probleme në këtë çështje.

Në të kundërt, duke tentuar që një regjistrim, një formalizim dhe një vlerësim të saj ta kthejë në censurë dhe mbyllje goje, sepse televizionet tashmë i ka nën kontroll, me Blushin e tij dhe ?Fugat? e tij që i ka kudo, të gjithë pronarët e telvizioneve të cilët marrin leje pallatesh tek Veliaj apo të tjerë që marrin tendera dhe koncesione tek Rama.

Kështu mbyllja e gojës së portaleve do të tentonte që ti zgjaste jetën në pushtet Ramës, por me këtë ligj që po bën kryeministri ynë duket se jetëgjatësinë do ta ketë edhe më të shkurtër. Mediat do t?i bëhen edhe më të ashpra. Për këtë të jetë i bindur. Ne do të jemi nga ata që do ta luftojmë 24 orë në 24, atë dhe këdo që i shërben atij. Përfshirë edhe Lulzim Bashën dhe opozitën që po bëjnë sot hapur dhe qartë lojën e kryeministrit Rama kundër medias./ CNA.al