web counter
LEXO PA REKLAMA!

SHKARKO APP

App Store
Google Play

E fundit!

x

Rama me ministrin italian/ “Morëm garanci në luftën Anti-KÇK dhe SPAK”

11 Dhjetor 2019, 14:06, Politikë CNA

Kryeministri Edi Rama ka zhvilluar një konferencë të përbashkët me ministrin e Jashtëm të Italisë, Luigi Di Maio.

Teksa i shprehu falenderimet për gatishmërinë në përballjen e situatës post-tërmet, Rama tha se diskutoi me ministrin italian edhe lidhur me ligjin Anti-KÇK dhe njësinë speciale anti-korrupsion ku tha se Italia do të ofrojë asistencë teknike dhe me njërëz në terren.

?Trupat e kërkim-shpëtimit dhe emergjencave civile italiane ishin të parat që zbarkuan në Shqipëri dhe vunë realisht jetën e tyre në rrezik, për të shpëtuar jetë njerëzish të këtij vendi.

Marrëdhënia jonë me Italinë është e shkqëlqyer dhe më vjen mirë që dhe me qeverinë e re, në vazhdën e një tradite, e cila nuk ka dhënë asnjëherë asnjë shenjë dobësie, mbetet e njejtë.

Ka shumë gjëra që Italia dhe qeveria e Italisë meriton të falenderohet por, në radhë të parë e falenderoj pamasë ministrin për impenjimin e tij personalisht për të shtyrë procesin e integrimit europian, të Shqipërisë dhe Ballkanit Perendimorë.

Italia ka qenë dhe mbetet partneri ynë strategjik sa i përket zhvillimit ekonomik.

Ne duam ta thellojmë këtë partneritet strategjik, duke synuar të afrohemi në të gjitha fushat e interest të përbashkët.

Dua ta falenderoj ministrin edhe për mbështetjen që Italia ka dhënë për marrjen e kryesisë së OSBE-së nga Shqipëria, dhe dua ta siguroj se ne do të bëjmë më të mirën.? përfundoi Rama./CNA.al

 





Lajmet e fundit nga