web counter
LEXO PA REKLAMA!

SHKARKO APP

App Store
Google Play

E fundit!

x

“Ligji anti-shpifje”/ Duka: Kokëfortësi gomareske, për të ekzekutuar median e lirë

11 Dhjetor 2019, 15:31, Politikë CNA

Kryetari i Partisë Agrare Ambintaliste, Agron Duka, ka reaguar përmes një shënimi në rrjetet social, lidhur me projektligjin për mediat onlinë dhe largimin nga detyra të kreut të AKEP, Ilir Zela.

Duka shkruan se vullneti për të censurar mendimin e lirë vijon me kokëfortësi gomareske, ka qenë edhe arsyeja e largimit të Ilir Zelës nga drejtimi i AKEP, një nga institucionet që do të shërbejnë si këmbëza e pistoletës së pushtetit për të ekzekutuar mediat e lira, nëse ky projektligj kalon.

?Në këto orë të rrëmujshme, kur vëmendja është te tërmeti dhe pasojat e tij, parlamenti monopartiak po përpiqet të kalojë një paketë ligjore me të cilën cënohet rëndë liria e mediave online. Kjo tentativë për të vrarë hapsirën e lirë që i shpëton kontrollit të mazhorancës, është kundërshtuar nga shoqatat e gazetarëve vendas dhe të huaja, si dhe institucionet ndërkombëtare në vend.

Megjithatë, vullneti për të censurar mendimin e lirë vijon me kokfortësi gomareske, që mesa duket ka qenë edhe arsyeja e largimit të Ilir Zelës nga drejtimi i AKEP, një nga institucionet që do të shërbejnë si këmbëza e pistoletës së pushtetit për të ekzekutuar mediat e lira, nëse ky projektligj kalon.

Nuk ka kurrfarë nevoje që unë të bëj këtu biografinë e një prej kontributorëve më të mëdhenj të PS-së, por ajo që dëshiroj të shpreh, është respekti maksimal për vlerat që ai mishëron dhe ndjenjat e tij të larta për interesin publik, të cilin e ka shërbyer me mendësinë e një burrështetasi dhe jo atë të një partiaku.

Ilir Zela nuk u bë kurrë ?rilindas?, prandaj ka forcën dhe përgjegjësinë qytetare për të dhënë dorëheqjen për të mos u bërë bashkëfajtor në një aventurë politike që kërcënon lirinë e fjalës dhe demokracinë?, shkruan ai në reagimin e plotë./CNA.al





Lajmet e fundit nga