web counter
LEXO PA REKLAMA!

SHKARKO APP

App Store
Google Play

Meta takon Ministrin e Jashtëm italian/ Marrëdhëniet mes dy popujve tanë, meritojnë të forcohen më tej

11 Dhjetor 2019, 16:04, Politikë CNA

Presidenti i Republikës Ilir Meta ka takuar sot Ministrin e Punëve të Jashtme dhe Bashkëpunimit Ndërkombëtar të Italisë, ku kanë folur mbi asistencën e shtetit italian për të rehabilituar dhe rindërtuar zonat e prekura nga fatkeqësia natyrore e 26 nëntorit.

Duke e cilësuar Italinë “mike”, Meta ka shprehur mirënjohjen e tij kundrejt këtij shteti për ndihmën e dhënë dhe ka theksuar se marrëdhëniet midis dy shteteve janë prej kohësh të shkëlqyera e në një të ardhme do të forcohen edhe më tej.

“Kënaqësi të takoja sot Ministrin e Punëve të Jashtme dhe Bashkëpunimit Ndërkombëtar të Republikës Italiane, Sh.T.Z. Luigi Di Maio. Shpreha falënderimet dhe mirënjohjen e thellë për ndihmën e menjëhershme të dhënë nga Italia mike në operacionet e kërkim-shpëtimit pas tërmetit të 26 nëntorit 2019 që goditi vendin tonë. Asistenca italiane për rindërtimin dhe rehabilitimin e zonave të prekura është e mirëpritur! Partneriteti strategjik mes Shqipërisë dhe Italisë dhe marrëdhëniet e shkëlqyera e tradicionale mes dy popujve tanë, meritojnë të forcohen më tej, për një ardhme më të ndritur!”, shkruan Meta./CNA.al





Lajmet e fundit nga