E fundit!

12:43 Aktualitet

Helmimi i kursantëve të Akademisë së Sigurisë/ Reagon Sori-Al: Futen ushqime nga jashtë

Kompania Sori-Al ka reaguar në lidhje me helmimin e 60 kur...

Nga dorëheqja e Sakos te viktimat e tërmetit/ Maliqi thirrje qytetarëve, opozitës dhe SPAK

10 Dhjetor 2019, 16:53, Politikë CNA

Deputeti i opozitës Lefter Maliqi tha se qeveria ka treguar mungesë papërgjegjshmërie, teksa foli për menaxhimin e situatës emergjente pas tërmetit të 26 nëntorit.

Maliqi i bëri thirrje qytetarëve të opozitës që në muajin janar të bëjnë një reagim mbarëpopullor.

“Jemi përballë një papërgjegjshmërie dhe i bëj thirrje qytetarëve dhe opozitës që ky muaj është pothuajse zie për viktimat, muajin janar duhet të jetë muaji i reagimit mbarëpopullor se ndryshe njerëzit do të duhet të zgjedhin ose qeverinë e aktrimit ose një qeverisje të ardhshme që do t’u shërbejë qytetarëve, zhvillimit dhe të luftojë këta oligarkë, këtë krim ekonomik dhe këtë babëzi të kësaj qeverie”, deklaroi ai në një intervistë për RTV Ora.

Gjithashtu deputeti i bëri thirrje SPAK-ut të mbledhë të gjitha veprimet hetimore dhe të hetojë përgjegjësin, pasi e cilësoi ngjarjen si të paramenduar.

?I bëra thirrje strukturës së re që do të krijohet, SPAK-ut, që të mbledhë të veprimet hetimore të Prokurorisë së Durrësit, të Lezhës dhe Tiranës dhe të hetohet sepse kemi të bëjmë drejtpërdrejt me një vrasje me paramendim. Diheshin që ato pallate në Thumanë ishin të pabanueshme dhe nuk dihet kush e dha urdhrin me shkrim apo me gojë për tu futur përsëri në ato banesa.

Ndërkohë kemi vrasje me paramendim për shkak të lejeve të ndërtimit të firmave, të procedurave në qytetin e Durrësit në Tiranë apo në Thumanë, Krujë e me radhë”, u shpreh Maliqi, teksa foli edhe për dorëheqjen Valbona Sakos nga posti i kryebashkiakes së Durrësit.

“Dha dorëheqjen kryebashkiakja e Durrësit. Është enigmë dorëheqja e saj pavarësisht fjalës, mund të kërkonte edhe ndjesë sepse çfarë nuk kanë bërë këto të tjerët dhe nuk kanë dhënë dorëheqje. Kjo tregon se nënkryetari i bashkisë prej 13 vitesh vazhdon të drejtojë bashkinë, ndërkohë që aty bashkia është e para në akuzë bashkë me firmat e ndërtimit”, theksoi ai.