E fundit!

15:17 Kronika

Tentoi të vriste me thikë një person/ Arrestohet 43-vjeçari, në pranga dhe i plagosuri

Tentoi të vriste me mjet prerës, një 59-vjeçar, gjatë një ...

Padia për Dvoranin/ Meta: Rasti flagrant, Prokuroria të bëj punën e saj

10 Dhjetor 2019, 12:26, Politikë CNA

Presidenti Ilir Meta, ka folur për mediat, pas dëshmisë rreth 20 minuta në Prokurorinë e Tiranës për kreun e KED Ardian Dvorani.

Meta tha se provat e depozituata janë të mjaftueshme dhe se askush nuk mund ti shmanget veprimit të Prokurorisë.

?Jemi këtu në respekt të pritjes suaj dhe natyrisht që nuk mund të largohesha pa respektuar edhe vëmendjen dhe durimin tuaj pavarësisht se për momentin ka çështje edhe më të mprehta.

Me pak fjalë mund t?ju them se jam këtu në përgjigje të ftesës nga institucioni i prokurorisë pas kallëzimit penal që kam bërë për shtetasin Ardian Dvorani për dy vepra të qarta penale të përmbushura me dashje plotësisht prej tij, të shpërdorimit të detyrës dhe përvetësimit të kompetencës.

Kemi dhënë sqarime plotësuese në vijim të provave dhe dokumente që kemi dorëzuar. Rasti është tmerrësisht flagrant. Shpresoj që Prokuroria të mos jetë nën presione politike dhe të bëjë punën e saj me profesionalizëm dhe durim.

Mendoj që është një provë e madhe për të ardhmen e reformës në drejtësi. Mund t?ju them se kushtetuta e thotë shumë qartë se Kushtetuta është ligji më i lartë në Republikën e Shqipërisë dhe se dispozitat kushtetuese zbatohen në mënyrë të drejtpërdrejt përveç rasteve kur Kushtetuta parashikon ndryshe.

Dhe lidhur me gjykatën Kushtetuese integriteti i së cilës është i një interesi mbarëkombëtar sepse është kjo Gjykatë që garanton dhe mbron sovranitetin e popullit shqiptar dhe sovranitetin e shtetit dhe interesat kombëtare. Dua të siguroj qytetarët shqiptarë se Presidenti i tyre ka zbatuar Kushtetutën.

Të gjitha provat e depozituar deri tani janë të mjaftueshme që prokuroria të veprojë ndaj Dvoranit. Ne nuk bëjmë presione pavarësisht se ka vënë në dyshim dinjitetin e shtetit. Ne jemi të qetë dhe të duruar dhe do bashkëpunojmë më ngushtë me prokurorinë se ky është një rast flagrant. Vendin ndodhet në një situatë të jashtëzakonshme, por mund t’iu them se do të vijojmë të komunikojmë me qetësi me qytetarët shqiptarë për t’i ndërgjegjësuar për rëndësinë që ka mbrojtja e Kushtetutës. Sapo të kthehem në zyrë do autorizoj Blushi të publikojë spotin e parë sepse Kushtetua është mjaft e rëndësishme?, deklaroi Meta.