E fundit!

08:01 Kosova & Bota

Çfarë është stresi ekstrem i nxehtësisë?/ Brenda fenomenit vdekjeprurës që po përhapet në të gjithë Evropën

Sipas një studimi të ri të madh, disa pjesë të Evropës po ...

Haki Çako flet për situatën pas tërmetit/ Çfarë gjeta në hotel Mira Mare

7 Dhjetor 2019, 17:14, Aktualitet CNA

Drejtori i Përgjithshëm i Agjencisë Kombëtare të Mbrojtjes Civile, Haki Çako, ka treguar në emisionin ?Kjo Javë? për situatën kaotike që u krijua menjëherë pas tërmetit të 26 nëntorit.

Çako rrëfeu se telefonatat ishin të shumta dhe se njerëzit i kishin drejtuar menjëherë drejt Durrësit, ku u shembën disa ndërtesa.

?Informacionin vinin të njëpasnjëshme për godina e banesa që ishin rrënuar, ose kishin rënë. Informacionet e para kanë qënë për godinat në zonën e plazhit të cilat ishin konstatuar nga qytetarët që kishin filluar lëvizjen, më pas sinjalet erdhën për zonën e ish-Kënetës, e më pas në qendër të Thumanës?, u shpreh ai, ndërsa tregoi se gjendja në Hotel Mira Mare ishte shumë e rënduar pas shembjes së kësaj ndërtese.

?Personalisht jam orientuar drejt objektit të parë, që ishte identifikuar si i rënë dhe kjo ishte Mira Mare në Durrës. Kishte një situatë paniku të jashtëzakonshëm, situatë e çorientuar. Erdhën forcat menjëherë dhe nisi ndërhyrja pasi u mor informacioni se kishte banorë. Për pak çaste informacioni u pasua nga Thumana, u tha se kishte shumë viktima, ishin 2-3 pallate të rrënuar plotësisht. Jam zhvendosur dhe kam shkuar menjëherë në Thumanë. Aty filluan menjëherë kërkim shpëtimet. Janë orientuar drejt objekteve të identifikuara ose të shembura, të gjitha grupet që ne i kemi patur në dispozicion?, tha Çako.

Gjithashtu drejtori i Mbrojtjes Civile nuk harroi të falenderojë Kosovën, për të cilën theksoi se ishte e para që u afrua për ndihmë.

?Ekipi i parë që ka shkelur tokën shqiptare, ka qenë ekipi i Kosovës, më pas ekipi grek i kërkim shpëtimit, pothuajse të gjitha kanë ardhur njëra pas tjetrës. Janë aktivizuar në shpërndarjen në të gjitha pikat ku kishte njerëz nën rrënoja dhe ata kanë funksionuar në mënyrë perfekte duke mos marrë në konsideratë asnjë lloj vështirësie asnjë lloj pretendimi?, deklaroi Çako./ CNA.al