Kërkoi azil politik pas kërcënimeve me vdekje/ Flet nga Zvicra Agron Tufa

6 Dhjetor 2019, 18:15, Aktualitet CNA

Ish-Kreu i Institutit për Krimet dhe Pasojat e Komunizmit, Agron Tufa në një intervistë për Zërin e Amerikës foli për largimin e tij nga Shqipëria dhe kërkesën për azil politik në Zvicër.

Tufa tha se largimi i tij erdhi për shkak të kërcënimeve të shumta deri me vdekje, të cilat u pasuan nga konfrontimet publike me deputetin socialist Spartak Braho dhe ish-ambasadorin Fatos Tarifa, të cilët edhe i ka paditur në Prokurori.

?Konfrontimi im ka qenë për shkak të detyrës dhe ka qenë një konfrontim që duke nisur që nga dhjetori i vitit të kaluar, me intensifikim të vazhduar erdhi nga 1 prilli me një fushatë të hapur në shtyp, në Parlament, në forma nga më të ndryshmet dhe një segment i atyre që unë i quaj enveristë, që kanë punuar në organet e drejtësisë komuniste dhe për shkakun e pranisë së madhe në institucionet qendrore të sigurisë së shtetit, unë kalova në një konfrontim të hapur publik, i cili për fat të keq mori natyrën e përqendruar të një kryqëzate sulmesh ndaj meje personalisht, duke u shoqëruar me shpifje, me shantazhe, me kërcënime, deri te kërcënimet me vdekje?, deklaroi Tufa, ndërsa theksoi se kërcënimet ka filluar t’i denoncojë që në vitin 2017.

“Unë kam nisur t?i denoncoj që në precedentët e parë, që në vitin 2017, kur gjatë një tremujori fushatë që pata hapur për sensibilizimin e opinionit dhe sigurisht parlamentit për trajtimin e produkteve të kinematografisë të Kinostudios Shqipëria e Re, për dokumentarët e kohës së Enver Hoxhës dhe filmat artistikë që përmbajnë aspekte propagande, u zhvillua një debat i gjatë publik. Sigurisht unë u përpoqa t?i rekomandoj dhe të udhëzoj komisionin e ligjeve, parlamentin shqiptar për një trajtim të këtyre filmave pasi ato binin ndesh me Kushtetutën. Si përfundim, në vend të mirëkuptimit tek ne lind muri. Dhe në këtë rast ai u shoqërua edhe me kërcënime me vdekje. Unë kam bërë kallzimet e mia në polici, por Gjykata e Lartë e pushoi çështjen. Unë i kam dokumentet. Në dy kërcënimet e tjera radhaz me vdekjen time dhe kërcënimin për shfarosjen e familjes sime, u jemi drejtuar gjykatave përmes avokatit tim dhe direkt njërit prej kërcënimeve por nuk kemi patur asnjë përgjigje sikundër edhe me gjyqet e tjera, me kallëzimet penale të kriminelëve të diktaturës, pasi kam bërë kallëzime penale, dhe nuk kemi marrë përgjigje. Ka qenë në mënyrë konstante. Gjyqi që kam hapur kundrejt deputetit Spartak Braho dhe 6 epigonëve të tij ka vazhduar nga prilli deri më sot pa bërë asnjë hap. Është një teknikë zvarritje dhe është e kotë të presësh pasi i di shumë mirë këto metoda të zvarritjes dhe të sabotimit të seancave./ CNA.al