web counter
LEXO PA REKLAMA!

SHKARKO APP

App Store
Google Play

Dëmet nga tërmeti/ Shemben tre godina në Qytetin Studenti

6 Dhjetor 2019, 10:37, Kronika CNA

Tre godina në Qytetin Studenti, të cilat janë shpallur të pabanueshme pasi kanë pësuar dëmë të rënda për shkak të termetit të 26 nëntorit, do të shemben ditën e sotme.

Bëhet fjalë për godinat 15, 18 dhe 19, të cilat janë amortizuar dhe janë shpallur të pabanueshme.

Në këto godina kanë jetuar rreth 30 familje dhe jo studentë.

Ish banorët e këtyre godinave do të bëhen pjesë e fondit të qerasë.

Ndërkohë, Bashkia e Tiranës bën të ditur se dokumentet që duhet të kenë për të përfituar pagesën e qirasë, janë: kartë identiteti, numër llogarie, informacione të familjarëve dhe vërtetimin vendqëndrimit në godinën përkatëse. Pas dorëzumut të këtyre dokumenteve, atyre do u mbulohet qiraja për një vit nga shteti.

Godinat kanë pësuar dëme të thella strukturore ndaj edhe janë shpallur të pabanueshme.

Pritet evakuimi i banorëve në mënyrë që të fillojnë procedurat e shëmbjes.

Në fund të ditës do të ketë edhe një vlerësim për mënyrën e shembjes së godinës 18 dhe asaj 19, ndërsa godina 15 është vendosur të bëhet me shpërthim tritoli.

Në këto momente, banoret po nxjerrin orenditë e tyre për të bërë shpërnguljen.

Kur godinat përkatëse të rindërtohen, pritet që ato të përdoren për studentët, siç ka qenë edhe funksioni i tyre i mëparshëm./ CNA.al





Lajmet e fundit nga