web counter
LEXO PA REKLAMA!

SHKARKO APP

App Store
Google Play

Atentati me një viktimë në Tepelenë/ Policia jep detaje

4 Dhjetor 2019, 20:29, Kronika CNA

Policia e Tepelenës ka dhënë detajet e para për atentatin në Tepelenë, ku mbeti viktimë 47 vjeçari Artur Bresha dhe u plagos vëllai i tij Artan Bresha.

Mësohet se disa persona, ende të paidentifikuar, e kanë futur në një makinë Arturin dhe pasi e kanë ekzekutuar e kanë hedhur trupin e tij pranë vendit të punës.

Blutë raportojnë se autorët kanë plagosur edhe vëllain e tij disa vite më të vogël, i cili fatmiresisht është jashtë rrezikut për jetën.

Artan Bresha është emër i njohur për policinë, pasi disa vite më parë është arrestuar me mbi 800 kg lëndë narkotike kanabis sattiva.

Ndërkohë bëhet me dije se viktima punonte si roje në një kompani inertesh.

Tepelenë/Informacion paraprak:

Në dalje të qytetit të Tepelenës, në rrethana ende të paqarta është vrarë me armë zjarri shtetasi A.B., rreth 47 vjeç, si dhe është plagosur në këmbë vëllai i tij, shtetasi A.B., rreth 43 vjeç, i cili ndodhet në spital jashtë rrezikut për jetën.

Menjëherë është ngritur një grup i posaçëm hetimor nga DVP Gjirokastër dhe nën drejtimin e Prokurorisë po vijojnë punën për zbardhjen e rrethanave të ngjarjes, identifikimin dhe kapjen ne autorëve

Në ndihmë të Grupit të posaçëm hetimor janë nisur menjëherë edhe një grup specialistësh të Departamentit të Policisë Kriminale në Policinë e Shtetit.

Në akset rrugore nacionale dhe ato rurale që lidhen ne qytetin e Tepelenës Policia ka ngritur menjëherë pika kontrolli

Forca të shumta të Policisë Tepelenë dhe të D.V.P. Gjirokastër po bëjnë krehjen e zonës me qëllim kapjen e autorit/ve./ CNA.al





Lajmet e fundit nga