web counter
LEXO PA REKLAMA!

SHKARKO APP

App Store
Google Play

8 pallate shpallen të pabanueshme në Kurbin/ Banorët vijojnë të qëndrojnë brenda

29 Nëntor 2019, 12:46, Kronika CNA

Tërmeti i 26 nëntorit la pas pasoja katastrofale. Ndërsa zonat më të prekura ishin Thumana dhe Durrësi, dhe Tirana, dëme të shumta ka pasur edhe në qytete të tjera.

Në Bashkinë e Kurbinit janë dëmtuar 28 pallate, 8 prej të cilave janë bllokuar me shirit nga Bashkia, pasi ekspertet i kanë vlerësuar si të pabanueshëm.

Ndërkohë, ajo që e bën të rrezikshme situatën është se sipas Report tv, disa prej banorëve vijojnë qëndrojnë brenda, duke sfiduar frikën e të tjerë kanë nisur të marrin orenditë për t’u shpërngulur nga aty.

Teksa flasin për demet e shkaktuara, banoret thonë se po flenë jashtë, pasi hajdutet kanë nisur të veprojnë kryesisht gjatë natës. Në Kurbin janë ngritur 6 qendra akomodimi me 35 çadra dhe janë strehuar 500 qytetar.

Ata kërkojnë ndihmë, pasi në çadra mungojnë krevatet dhe është shumë ftohte. Bashkia e Kurbinit u bën thirrje qytetarëve që të mos qëndrojnë në pallatet e bllokuara, pasi përben rrezik për jeten e tyre.

Nga termeti në Kurbin janë dëmtuar dhe shumë banesa private si dhe objektet shtërore. Gjithashtu qyteti i Laçit prej 4 ditesh është pa ujë të pijshëm, pasi termeti ka nxjerr jashtë funksioni ujësjellesin në afërsi të depos.





Lajmet e fundit nga