web counter
LEXO PA REKLAMA!

SHKARKO APP

App Store
Google Play

Xhaçka qetëson qytetarët/ Aktiviteti sizmik është në rënie

29 Nëntor 2019, 09:39, Kronika CNA

Ministrja e Mbrojtjes, Olta Xhaçka ka dalë sot në një deklaratë për mediat, ku është shprehur se pavarësisht se situata është aktive fuqia e goditjeve e tërmetit ka një trend zbritës, gjë që sipas saj mund të jetë një shenjë që situatës po i vjen fundi.

?Pavarësisht se situata është aktive fuqia e goditjeve e tërmetit ka një trend zbritës. Shperojmë që situatës po i vjen fundi. Këto ditë tragjike na kanë testuar të gjithëve.

Jam krenare që shqiptarët kudo në botë e kaluan këtë stest në mënyrë dinjitoze për solidaritetin dhe bashkëpunimin që treguan. Jetët e humbura nuk do kthehen më, kjo ngjarje ka pasur kosto të mëdha dhe nuk do harrohet sa të kemi jetë. Por, kostoja ishte dhe në dëme materiale, por sot prioriteti ynë është të garantojmë strehimin për çdo qytetar.?-tha Xhaçka.

Më tej, ajo theksoi se ?Për të orientuar më mirë qytetarët i bëjmë thirrje qytetarëve dhe pushtetit lokal, nëse shtëpia juaj është e dëmtuar mos e bëni vetë ekspertin, largohuni drejt strukturave akomoduese. Hotelet janë në dispozicionin tuaj. Ju lutem mos qëndroni në banesat tuaja nëse janë të dëmtuara derisa të bëhet vlerësimi. Situata në banesa është po aq e rrezikshme sa ditën e goditjes së madhe. Sot ka nisur ekspertiza nga ekspertë të huaj dhe vendas. Sot jemi në gjendje të ofrojmë strehim dhe veshmbathje për çdo qytetar.? -u shpreh Xhaçka./ CNA.al





Lajmet e fundit nga