E fundit!

19:46 Aktualitet

Me thirrje e simbole kuqezi/ Protestuesit zhvendosen drejt Kryeministrisë

Mijëra qytetarë që janë mbledhur sot në qendër të kryeqyte...

“Koha për tu bërë miq”/ Corriere Della Sera: Tërmeti bën bashkë serbët, kosovarët dhe shqiptarët

28 Nëntor 2019, 10:03, Kronika CNA

Tërmeti i fuqishëm me magnitudë 6.4 ballë, i shkallës Rihter që godit Shqipërinë mëngjesin e 26 nëntorit, dhe që pas la një situatë katastrofale, ka bërë jehonë në mediat më prestigjoze botërore.

Ngjarja tragjike në Shqipëri është raportuar hap pas hapi në shumicën e mediave botërore, që nga Greqia, Italia, Britani e më gjerë.

Të gjitha mediat greke kanë shkruar artikuj lidhur me situatën e rëndë që po kalon vendi jonë.
Mediat e vendit fqinj kanë kujtuar vuajtjet e shqiptarëve në Greqi, duke vlerësuar sakrificën punën dhe jetën e vështirë të këtij populli që nuk u gjunjëzua kurrë pavarësisht rasteve të racismit, vështirësive, vuajtjeve për dokumenta e çdo gjë tjetër që kanë kaluar.

Ndërkohë, një ditë më parë, një nga mediat greke shkruante se ?Sot jemi të gjithë shqiptarë sepse në dhimbje nuk ka kufij?.(lexo këtu)

Por, edhe mediat italiane i kanë kushtuar shumë hapësirë tërmetit tragjik që goditi Shqipërinë, por pa lënë mënjëanë solidaritetit që ka ardhur nga vendet e rajonit.

Corriere Della Sera shkruan se tërmeti në Shqipëri bëri bashkë ish-armiqtë, shqiptarët, kosovarët dhe serbët.

Ndër të tjera, Corriere Della Sera shkruan se ata janë bërë bashkë duke gërmuar nën rrënojat e Durrësit dhe Thumanës në kërkim të mrekullisë, shpirtrave të gjallë.

?Saktësisht njëzet vjet pas luftës në Kosovë, për herë të parë pas shpërbërjes së saj të përgjakshme dhe spastrimit etnik, ish jugosllavia e dikurshme duket se është ringritur, me qëllimin e saj më të mire.

Në emër të solidaritetit, Ballkani është bashkuar, qoftë edhe vetëm për disa ditë, në përpjekje për të shpëtuar jetët e goditura nga tërmeti që goditi bregdetin shqiptar dhe rrethinat e kryeqytetit natën midis të hënës dhe të martës.

Që prej ditës së djeshme, ekipet e shpëtimit të dërguara nga Prishtina, Beogradi, Tirana, Zagrebi dhe Shkupi, kanë formuar një zinxhir njërëzor shpëtimtarë.

Zjarrfikësit, ushtarët, njësitë e qenve, ekipe me uniforma me stema dhe flamuj të ndryshëm, dikur armiqësorë me njëri tjetrin, janë në garë për të rikuperuar të gjallë dhe viktima.

Ata mund të mos vëllazërohen, por kanë bashkuar forcat për një qëllim të përbashkët.

Në Thumanë, një njësi serbe nga Nishi, e përbërë nga rreth 20 zjarrfikës, mbërriti dje dhe iu përvesh punës për të gërmuar nëpër rrënojat e një ndërtese tre katëshe të shembur pjeserisht.

Pak metra më tutje vazhdojnë punë zjarrfikës nga Prishtina dhe një grup ushtarësh me emblemën e Republikës së Kosovës, të qepur në mëngët e uniformës.

“Askush nuk ka patur probleme – sigurojnë ata – në fakt, mbase kjo është koha për t?u bërë miq?. Ata shprehen se “Ndonjëherë jemi të burgosur nga paragjykimet tona”.-shkruan Corriere Della Sera./ CNA.al