"Armiku" që jep ndihmë

27 Nëntor 2019, 12:04, Kronika CNA

Pas tragjedisë së tërmetit të djeshëm, menjëherë shumë grupe të shoqërisë civile apo individë filluan fushatën e tyre të pavarur për të mbledhur ndihma, për të çuar ujë, batanije e çdo gjë tjetër, për ti transportuar drejt Thumanës dhe Durrësit, ku janë edhe banorët më të prekur nga tërmeti.

Me një vëzhgim të vogël të bërë nga CNA.al bie në sy një censurë mediatike qeveritare ndaj atyre që mund ti quajmë ?armiqtë? e ndihmave.

“Fundjava Ndryshe” mblodhi ndihma në sheshin “Nënë Tereza”. Nuk e pamë në mediat kryesore të qeverisë dhe kazanin e Kryeministrit tonë. Por, pamë vetëm Edi Ramën që shëtit si turist, duke vënë duart në kokë e duke na thënë se do t?i zgjidhë e do t?i rindërtojë të tëra brenda një viti.

Qëndrestarët e Teatrit. Ata që kanë më shumë se një vit që protestojnë kundër shembjes së tij dhe kundër një pazari të qeverisë, me një ligj special. Teatri Kombëtar dje ishte i mbushur plot e përplot me ushqime dhe ndihma nga banorët e kryeqytetit dhe askush, asnjë media, nuk e transmetoi.

As faktin se nuk u shemb Teatri, të cilin Rama e quan një godinë të shkatërruar dhe as faktin se u mblodhën disa dhjetëra kamionë me ndihma.

E njëjta situatë është edhe me Lëvizjen ?Vetëvendosje?. Dje në rrjetet sociale dhe sot në Kosovë ata po mbledhin ndihma për t?i çuar tek të dëmtuarit. Askush nuk e jep.

Këta të tre janë ?armiqtë? e ndihmave. Disa të tjerë edhe u përmenden, disa të tjerë nuk kanë dashur fare të dalin, disa të tjerë kanë luftuar fort edhe në rrjetet sociale. Por, të mbledhësh dhjetëra kamiona me ndihma si “Nisma Thurje”, “Vetëvendosja” apo “Qëndrestarët” e Teatrit, ata që janë kundër shembjes së tij dhe t?ju vendosësh censurë në media, kjo është edhe më kriminale sesa propaganda, e cila ka filluar të bëhet edhe më e shfrenuar.

Një dhe vetëm një njeri. Një dhe vetëm, një linjë. Edi Rama dhe zyrtarisht vetëm qeveria.

Po organizatat joqeveritare pse nuk duhet të mbështesin dhe pse duhet që gjithçka të kalojë vetëm në dorën e Ramës?

A nuk e kupton ky i fundit se duke bërë këtë gjë, duke shpallur ?armiqtë? e ndihmave bëhet edhe më i pabesueshëm. Sepse qeverisë njerëzit kanë frikë t?i japin ndihmë dhe kontribute, sepse ka dyshime se aty abuzohet, vidhet dhe keqpërdoren. Por, besojnë se të rinjtë e “Vetëvendosjes”, se të rinjtë e “Fundjava Ndryshe”, të cilët kanë vite e vite që ndihmojnë familje në nevojë, se “Qëndrestarët” e Teatrit do ta bëjnë këtë punë shumë herë më mire së qeveria dhe ndihma e tyre do të shkojë aty ku duhet.

Por, që ata të mos kenë mbështetjen e duhur, dhe të kenë vetëm hapësirën që marrin nga rrjetet sociale, qeveria përballë ju ka vendosur censurë.

Nuk ka lajme për ta. Nuk ka informacione mbi llogaritë e tyre, mbi ndihmat që ata japin, dhe ndihmat që ata mbledhin.

Janë gati një million dollarë të mbledhura nga në internet vetëm nga “Fundjava Ndryshe”. Pa folur për qindra mijë dollarë të tjera të mbledhura nga kompani dhe donacione të ndryshme.

Gjithçka e kemi parë vetëm në rrjetet sociale, sepse mediat e kazanit, me urdhër të Kryeministrit, nuk raportojnë as për “Qëndrestarët” e Teatrit, të cilët e kthyen atë godinë në një vend ku solidariteti kapi majat e tij.

Pa shkuar më tej tek “Fundjava Ndryshe”, që ka më shumë eksperiencë dhe tek “Vetëvendosja” që po reagon nga Kosova.

Qeveria, përtej punës dhe detyrës që po bën për të përballuar këtë situatë fatkeqësie, po bën dhe një detyrë tjetër. Po shpall ?armiqtë? e ndihmave./ CNA.al

Foto-Shqipëria solidarizohet me të dëmtuarit nga tërmeti/ Vijon mbledhja e ndihmave

Kisha Orthodhokse Autoqefale pranë të dëmtuarve nga tërmeti/ Gatishmëri për të strehuar të pastrehët

?Orë të vështira?/ Sociologia e njohur hap dyert për të strehuar banorët

?Fundjavë Ndryshe? nis fushatën/ Të ndihmojë familjet e prekura nga tërmeti!

?Fundjavë Ndryshe? në Durrës/ Nis shpërndarjen e ndihmave për të prekurit nga tërmeti

160 vullnetarë të Kryqit të Kuq Shqiptar, pranë njerëzve të prekur nga tërmeti

Teatri Kombëtar qendër solidariteti / Dhurohen ushqime dhe veshmbathje për të dëmtuarit

“Në ndihmë të shqiptarëve në nevojë”/ Fundjavë Ndryshe solidarizohet me banorët e prekur nga tërmeti

Dhomat e Tregtisë në Ballkanin Perëndimor mbështetje për qytetarët dhe bizneset në Shqipëri

Banorët e Unazës së re solidarizohen me të dëmtuarit nga tërmeti/ Ofrojnë strehim për të pastrehët

Shqiptarët solidarizohen me të prekurit nga tërmeti/ Mblidhen ndihma tek sheshi “Nënë Tereza”

Foto/ Forcat greke dhe serbe, vijojnë punën për shpëtimin e njerëzve që janë ende nën rrënoja