web counter
LEXO PA REKLAMA!

SHKARKO APP

App Store
Google Play

E fundit!

x

"Drafti AntiKÇK, antikushtetues"/ Klodiana Lala përplaset ashpër me Lleshajn: Zotëroj dokumenta

25 Nëntor 2019, 20:37, Politikë CNA

Një debat i ashpër është zhvilluar mbrëmjen e sotme midis gazetares së kronikës, Klodiana Lala dhe Ministrit të Brendshëm Sandër Lleshaj.

Të ftuar në studion e ?Real Story? për të folur në lidhje me Paketën Speciale AntiKÇK të prezantuar nga kryeministri Rama paraditen e sotme, Lala ka theksuar se ky projektligj është një shkelje e hapur e të drejtave dhe lirive të njeriut,  është një mbivendosje e qartë me BKH dhe se ka dokumenta që e tregojnë këtë gjë.

Ndërkaq i menjëhershëm ka qenë edhe reagimi i ministrit i cili për t?i shpëtuar situates, është shprehur se nuk do t?i kometonte ato dokumente, me argumentin se paketa e prezantuar sot, është një dreft paraprak i cili ka nevojë për përpunime.

Lala: Drafti është antikushtetues. Unë mendoj se ky projektligj ka problematika shumë të theksuara që kanë të bëjnë me liritë dhe të drejtat e njeriut.

Ai projektligj është një mbivendosje e qartë me BKH.

Meqënse jemi këtu sot, unë kam edhe dokumenta që e provojnë një gjë të tillë dhe po iu them se neni 6  i projekt-ligjit thotë se policia merr tagre dhe kompetenca të cilat nuk mund t’i ketë.

Le të flasim me dokumenta?

Lleshaj: Nuk mund të flasim kështu. Nuk mund të bisedosh këtu kështu me mua. Nëse ai dokument sot ekziston për ty nuk ekziston për mua. Juve jeni një gazetare me përvojë?

Nëse do të flasësh për dokumenta, shko në një studio tjetër dhe bëj monolog. Nuk e di, nëse vijojmë të flasim kështu, tashmë ose jeni ftuar ju gabimisht në studio ose jam ftuar unë?

Lala: Nuk doni të futeni këtu zoti ministër. Nuk doni të flisni me dokumenta sepse nëse e marrin vesh shqiptarët çfarë ka këtu atëherë?

Lleshaj: Ai është thjesht një draft dhe nuk do të dorëzohet në atë mënyrë./CNA.al





Lajmet e fundit nga