web counter
LEXO PA REKLAMA!

SHKARKO APP

App Store
Google Play

Ku**shtetuta e vitit 2016

22 Nëntor 2019, 10:45, Politikë CNA

Menjëherë pas ndërrimit të sistemit politik, Shqipëria për një kohë të gjatë si akt themeltar që rregullonte sistemin juridik, pati ligjin “Për Dispozitat Kalimtate Kushtetuese”.

Të konsideruara si kalimtare, ato dispozita konsideronin se do shoqëronin tranzicionin dhe gjithë fenomenet politiko-juridike që ndodhin pas ngjarjeve si ato të Shqipërisë së fillimit të viteve ’90.

Këto dispozita mbeten në fuqi deri në vitin 1998, kur u miratua Kushtetuta e Republikës së Shqipërisë, e cila në versionin e parë print, mbi kapak kishte edhe shënimin “Këtu fillon e ardhmja”.

Fillimi i të ardhmes u atakua nga e djathta, për shkak se ai tekst që sipas dedikimit duhet të projektonte të ardhmen, u miratua pa konsensus politik. Ai tekst është i vetmi version i Kushtetutës, i cili është miratuar nga shqiptarët me Referendum. E megjithatë dikur nuk i shpëtoi etiketimit si “pushtetutë”.

Më pas teksti themeltar, ndryshoi disa herë nga vota në Kuvend. Ndryshimet e vitit 2008, preken sistemin elektoral duke braktisur vullnetin e shprehur nga populli në 1998, i cili zgjidhte sistemin mazhoritar për votimin për Kuvendin e Shqipërisë.

Ndryshime të tjera, nuk reshten derisa i erdhi dita ndryshimeve të vitit 2016. Për ndërmarrjen e nismës për ndryshimin e sistemit të drejtësisë, u shfrytëzua dhe u përdor masivisht argumenti i nevojës së popullit për një drejtësi të pavarur.

Por askush nuk kërkoi popullin të votojë për to.

Sot kemi përfundimisht një tekst Kushtetues, i cili nuk ka më pothuaj asnjë lidhje me atë version vullneti të shprehur nga populli në vitin 1998.

E ardhmja nuk duket ende në horizont, por për këtë nuk e ka fajin Kushtetuta.

Politika që thonë se është k*rvë ndërroi gjithçka. Ndaj nëse në vitin 1998 Kushtetuta e votuar nga populli u anatemua si “pushtetutë”, kjo e vitit 2016 e draftuar nga dhe për interesa vetëm të politikës, mund të quhet pa shumë dilema si “ku**shtetutë”./ CNA.al





Lajmet e fundit nga