E fundit!

18:28 Aktualitet

Të enjten seanca e fundit e sesionit parlamentar/ Në rend dite, një sërë projektligjesh

Seanca e fundit plenare e këtij sesioni parlamentar do të ...

"Mazhoranca e përgatitur për eleminimin e Metës"/ Nishani sqaron çështjen e afateve: Qesharake...

19 Nëntor 2019, 22:22, Politikë CNA

Ish presidenti i Republikës, Bujar Nishani ka komentuar vendimin e presidentit Meta për përzgjedhjen e Marsida Xhaferllarit përballë Arta Vorpsit. Ndërsa shprehet se listat nuk janë krijuar nga Meta, por KED, për Nishanin përzgjedhja e presidentit nuk ka të bëjë me kundërshimin e një kandidati, por përzgjedhjen e dikujt nga lista që në analizën e kreut të shtetit konsiderohet i vlefshëm për atë pozicion.

?Institucioni i Presidentit të Republikës nuk ka asnjë pozicion kundër zonjës Vorpsi. Ky institucion ka një pozicion që zgjedh ose jo, me bindjen e tij mbi analizën profesionale, integritetin etj, një produkt i cili nuk është vetëprodhim i Presidentit, por janë emra të paraqitur nga KED.

Pra është ky institucion që i jep listën me emra Presidentit, duke i thënë zgjidh. Dhe presidenti ka të drejtën që të zgjedh atë e cila në analizën e tij si kreu i shtetit, në subkoshiencën e tij mendon se vlen për Kushtetuesen. Sjellja e tij nuk ka qenë kundër Arta Vorpsit, por pro Marsida Xhaferllarit?, ka thënë Nishani.

Nishani, po ashtu, ka mbajtur një qëndrim edhe përsa i përket prekluzionit apo çështjes së afateve kushtetuese. Për ish presidentin, “gjykimi i jo 30, por 31 ditëve është qesharake të diskutohet në logjikën e një ligjëvënësi, kur këta kanë shkelur çdo afat të mundshëm në krijimin e disa institucioneve në vend, si KLGJ, KLP apo përgjedhja e Prokurorit të Përgjithshëm.”

?Mazhoranca politikisht është parapregatitur për ta eleminuar Presidentin e Republikës nga e drejta, nga diskrecioni, nga tagri i tij Kushtetues. Duhet të kemi parasysh se nuk është kjo logjika e ligjvënësit se në qoftë se 30 ditë kaluan 31 ditë unë?

Së pari, nuk është kjo logjikë sepse nuk e ka çuar në Kushtetutë detyrimin 30 ditor, sikurse ia ka çuar Parlamentit. Së dyti, mungesa e vullnetit politik dhe institucional të Presidentit të Republikës do ta detyronte pastaj të shpallej fituese Arta Vorpsin. Kur ka një mungesë të vullnetit të shprehur nga ana e institucionit, pra nuk është kështu çështje 30 ditësh dhe afatesh.

Këta që flasin për afate të tilla janë qesharak. Afatet Kushtetuese janë të gjitha të rëna. Këshilli i Lartë Gjyqësor është zgjedhur rreth 1 vit apo 1 vit e gjysëm pasi është parashikuar afati Kushtetues. Po ashtu, Këshilli i Lartë i Prokurorisë është krijuar pasi i ka shkelur me këmbë, me duar, me çizme, me hekur të gjitha afatet.

Prokurori i Përgjithshëm duhej të ishte zgjedhur para dy vitesh. Prokurori i përkohshëm u zgjodh për 2 muaj dhe ndenji në pushtet 2 vjet. Dhe rasti i fundit më i paprecedentë i lidhur drejtpërdrejtë me qeverinë janë afatet për botimin e dekreteve të Presidentit në fletoren zyrtare. Kush janë këta që flasin për afate dhe nuk botojnë dekretet e Presidentit në fletoren zyrtare. Këtu është një proces që po synon të rrëzojë besimin e qytetarëve. Të gjitha këto çështje që janë në Gjykatën e Lartë kur shikon se si po shkojnë gjërat, do të shkojnë të gjitha në Strasburg?, është shprehur Nishani./CNA.al