web counter
LEXO PA REKLAMA!

SHKARKO APP

App Store
Google Play

KLP-ja kërkon shoferë për anëtarët/ Fino i përgjigjet Ibrahimit: Kjo është absurde

18 Nëntor 2019, 11:46, Politikë CNA

Kryetari i KLP-së Gent Ibrahimi kërkoi në komisionin e Ligjeve që në buxhetin për vitin 2020 të shtohen 6 shoferë, 4 sekretarë dhe specialistë IT-je.

?Ne kërkojmë që të kemi 4 sekretarë më shumë. Me logjikën e ligjit katër komisionet, prandaj duhet të kryejnë funksionin në mënyrë optimale dhe prandaj duhen dhe katër sekretaret. Një shtesë tjetër ka të bëjë me numrin e shoferëve pranë KLP. Kemi vetëm 7 shoferë. Gjatë këtij viti kemi pasur rastin të diskutojmë për statusin e KLP. Në këto kushte trajtimi i anëtarëve për transport duhet të zgjidhet. Si për KLGJ duhet të bëhet dhe për KLP. Duam dhe 6 shoferë. Specialistin e IT-se, kemi vetëm një të tillë. Na duhet dhe një tjetër” u shpreh Ibrahimi.

Deputeti i PS-së Bashkim Fino debatoi në lidhje me kërkesat që kreu i KLP-së për shtimin e punonjësve të këtij institucioni në kuadër të projektbuxhetit që qeveria ka përgatitur për vitin 2020.

?Ju keni 7 shoferë dhe kjo është absurde, që të kërkoni rritjen e numrit të shoferëve dhe sekretarëve. Është gjynah të ulim nivelin e bisedës për buxhetin. Nuk mund të ndryshojmë strukturën, edhe po të shtojmë ndonjë shofer, duhet t’i ulim buxhetin ndonjë institucioni tjetër. Këto kërkesat e tjera për sekretarë e shofera, t?i lëmë për vitin tjetër. Me këtë sistem dhe me këtë buxhet, nuk cënohet fare aktiviteti i KLP-së, më duket e tepërt. Të dërgojmë shifrat të kalojnë në Komision. Nuk diskutoj për një sekretar dhe shofer”, deklaroi Fino për buxhetin e ri të KLP-së për vitin 2020./CNA.al





Lajmet e fundit nga