web counter
LEXO PA REKLAMA!

SHKARKO APP

App Store
Google Play

Refuzimi i negociatave/ Ruçi kritikon sërish BE

18 Nëntor 2019, 07:51, Politikë CNA

Kryetari i Kuvendit, Gramoz Ruçi mori pjesë mëngjesin e sotëm në konferencën, ?Demokracia përballë rrezikut të teknologjisë?.

Por, gjatë fjalës së tij, Ruçi është ndalur tek refuzimi i BE-së për të hapur negociatat me Shqipërinë dhe Maqedoninë e Veriut, ku nuk ka kursyer edhe kritikat e forta.

Kryeparlamentari Ruçi kritikoi edhe njëherë vendimin e BE-së, ndërsa theksoi se kjo nuk dëmton vetëm rajonin, por edhe vetë sigurinë e BE-së.

“Kjo dëmton jo vetëm vendet e rajonit, por vetë sigurinë në BE. NATO dëmtohet nga këto qëndrime konfuze të BE-së. Jemi në kryqëzimin e ndikimeve të huaja, por jo të gjitha vendet në Ballkan kanë perspektivën perëndimore si Shqipëria” tha Ruçi.

Më tej, ai shtoi se “Nuk mendoj se refuzimi i KE për hapjen e negociatave do pasohet direkt nga rritja e influencës ruse dhe kineze. Por duhet të pranojmë se jo të gjitha vendet e rajonit kanë të njëjtin vizion Perëndimor si Shqipëria. Disa nga fqinjët tanë janë më pak të imunizuar nga influencat jo perëndimore dhe kjo bën rajonin tonë më të dobët dhe më të thyeshëm ndaj tyre”.





Lajmet e fundit nga