web counter
LEXO PA REKLAMA!

SHKARKO APP

App Store
Google Play

Fëmijët shqiptarë peng në Siri/ Andi Përmeti “shuplakë” qeverisë

18 Nëntor 2019, 10:06, Politikë CNA

Deputeti i Bindjes Demokratike, Andi Përmeti ka folur sot për çështjen e fëmijëve shqiptarë, të cilët kanë mbetur peng në kampin Al-Hol, në Siri.

I ftuar në studion e A2 CNN, deputeti Përmeti theksoi se veç Alvin Berishës në këtë kamp ka edhe të tjerë fëmijë shqiptarë që duhen shpëtuar.

Sa i takon interpelancës së kërkuar me ministrin e Jashtëm në parlament, Përmeti tha se nuk mori asnjë përgjigje nga qeveria se çfarë po bën për nxjerrjen e atyre fëmijëve.

Ndërsa në lidhje me shpëtimin e Alvin Berishës, Andi Përmeti tha se nuk ka qënë aspak meritë e autoriteteve shqiptare.

?Gjatë interpelancës së zhvillluar në parlament nuk mora asnjë përgjigje se kur mund të tërhiqen këta fëmijë.

Sa i takon Alvinit, sipas informacioneve që unë kam pala shqiptare nuk ka bërë asgjë. Megjithatë ishte një operaciin sekret.

Por këta nuk japin përgjigje se kur do tërhiqen fëmijët e tjerë të mbetur në Siri.?-tha Andi Përmeti.

Gjithashtu ai tha se pa këtë presion që u bë nga mediat, Alvin Berisha mund të ishte ende në Siri.

?Unë kam frikë se pa këtë presion Alvini nuk do ishte tërhequr.

Kjo tregon se kur bëhen bashkë dhe bëjnë presion arrijnë diçka. Ne nuk duhet të dorëzohemi?-u shpreh ndër të tjera Andi Përmeti./ CNA.al





Lajmet e fundit nga