E fundit!

08:35 Kronika

Sherr masiv në Sarandë, 6 persona shoqërohen në polici

Një sherr masiv është regjistruar mbrëmjen e së premtes në...

Arta Marku gënjen KLP/ Justifikon dështimet me udhëzime

13 Nëntor 2019, 09:01, Politikë CNA

Këshilli i Lartë i Prokurorisë po zhvillon sot intervistat me kandidatët për postin e Kryeprokurorit.

Kandidati i parë që po përgjigjet para KLP-së, është Prokurorja e Përgjithshme e Përkohshme, Arta Marku, e cila prej rreth dy vitesh drejton këtë institucion.

Arta Marku në fillim të fjalës së saj ka tentuar të justifikojë dështimimet me drejtimin e këtij institucioni, duke ia faturuar këtë faktit se sipas saj sistemi është në reformim.

?Prej 18 dhjetori 2017 mbaj pozicionin e përkohshëm të Prokurorit të Përgjithshëm. Ka qenë një periudhë jo e lehtë pasi i gjithë sistemi po reformohet. Nuk mund të kesh rezultate të dukshme nëse mungojnë disa nga hallkat e sistemit?, ka deklaruar Marku.

Më tej, ajo tha se ?Kam miratuar udhëzim për marrëdhënien me mediat?. Por, në fakt e vërteta është se marrëdhëniet e Kryeprokurores së Përkohshme me mediat nuk kanë qënë shumë shembullore. Përtej faktit se nuk kthën përgjigje, për më tepër edhe shtyn gazetarët.

Kujtojmë këtu edhe incidentin e disa muajve më parë, kur Truproja i kryeprokurores së përkohshme Arta Marku, ka shtyrë me forcë duke përplasur për muri një gazetar, që po përpiqej t?i bënte një pyetje shefes së tij.

Teksa gazetari i TV Klan, Renaldo Salianji iu drejtua Markut me mikrofon në dorë, truproja e bllokon gazetarin me duar dhe më pas e shtyn me forcë duke e larguar.

Më tej, sa i takon hetimeve, Arta Marku e pranoi vetë që nuk ka arritur pritshmëritë, por sërish thotë se ?fajin? e ka sistemi në reformim dhe mungesa e kompetencave.

?Për shkak të mungesës së kompentencave nuk kam realizuar pritshmëritë. Tashmë roli i Prokurorit të Përgjithshëm ka ndryshuar. Nuk është më i plotfuqishëm por ka një rol simbolik për sistemin në tërësi dhe rol të munguar në hetimin e çështjeve konkrete. Mos realizimi i pritshmërive nuk ka qënë për fajin tim por për shkak të reformës në zhvillim e sipër?-tha Arta Marku.

Por një shembull që ilustron më së miri dështimin e Arta Markut edhe brenda kompetencave është rasti i Emiliano Shullazit.

Kujtojmë këtu se Arta Marku kishte një përplasje të fortë me 10 prokurorë në lidhje me dosjen ?Shullazi?.

Në atë kohë, Marku ?internoi? një grup prokurorësh si masë ndëshkuese për kundërshtimin që i bënë shortit për përzgjedhjen e prokurorëve që do lexonin pretencën ndaj Emiljano Shullazit dhe 4 të pandehurve të tjerë. Mirëpo, vendimi i Markut u rrëzua nga Gjykata Administrative dhe më pas Këshilli i Lartë i Prokurorisë i riktheu atë në detyrë./ CNA.al