E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Suksesi i "Amanet"/ Namik Ajazi ‘rrëmben’ trofeun në Festivalin Ndërkombëtar të filmit

17 Nëntor 2019, 15:31, Kulturë CNA

Suksesi i filmit ?Amanet? tashmë ka arritur kufijtë ndërkombëtar. Përveç vlerësimit me çmim brenda vendit, regjisori i njohur Namik Ajazi arriti të ?rrëmbente? vendin e parë në Festivalin Ndërkombëtar të filmit në Salerno.

Filmi do të merrte çmimin e parë mes 73 filmave artistik me metrazh të gjatë, ndërsa juria e Festivalit të Filmit të Salerno përbëhej nga përfaqësues të 25 vendeve si Gjermania, Franca, Spanja, Austria, Kanadaja dhe Suedia. Në shpalljen e fituesit u morën parasysh edhe votat e publikut që zgjodhi si më të mirin ?Amanet?.

Kujtojmë se, ?Amanet?, me skenar të Ruzhdi Pulahës, prodhuar nga Qendra Kombëtare e Kinematografisë në bashkëpunim me Radio Televizionin Shqiptar, u prit mjaft mirë nga audienca, falë kastit të shkëlqyer të aktorëve shqiptarë protagonist si Myzafer Ziflaj, Eva Alikaj dhe Amos Muji Zaharia.

?Amaneti? rrëfen historinë e Mentor Hasës (interpretuar nga Myzafer Ziflaj), një funksionari të lartë të Sigurimit të Shtetit, i cili nga ?përgjues? e gjen vetën tek të përgjuarit. Në këtë kthesë dramatike që merr jeta e tij, ai vendos të rrëfejë për të vrarët e pushtetit të cilit ai i kishte shërbyer. Amaneti i tij për të birin Martin (që interpretohet nga Amos Zaharia) është që historia e tij t?i rrëfehej botës.

?Me këtë film, publiku kupton gjithçka ndodhte në ato vite brenda rrethimit të Bllokut. Ai kthehet pas në kohë dhe befas gjendet aty edhe pse përmes një fictioni?, do të shprehej regjisori.

?Amanet?, një prodhim i 2014-ës, i realizoi xhirimet e tij në Tiranë, Pogradec, Rubik, në minierën e Bulqizës dhe në Itali.

Megjithatë, pas suksesit të ?Amanet?, puna e regjizorit të njohur nuk përfundon me kaq, pasi mësohet se shumë shpejt Namik Ajazi do të rikthehet sërish në kinemat shqiptare me një tjetër prodhim tashmë, ?Portret i pambaruar?.

Bazuar në një histori të vërtet, filmi më të ri të Ajazit na kthen mbrapa në kohë, ku bëhet fjalë për një histori dashurie pas në vitet ?80, në qytetin e Tiranës, mes një vajze të ambasadorit italian dhe një djali shqiptar./CNA.al