web counter
LEXO PA REKLAMA!

SHKARKO APP

App Store
Google Play

Libri shqiptar për Bosnjën promovohet në Sarajevë

1 Nëntor 2019, 08:46, Kulturë CNA

Libri shqiptar për Bosnjën promovohet në Sarajevë.
Diplomati dhe studiuesi Shaban Murati bën me dije se Libri i ri “Bosnja: Një pikëpamje nga “Tirana” u promovua në Sarajevë nga “Qendra ballkanike e analizave dhe studimeve”.
Në promovimin e librit merrnin pjesë personalitete të jetës kulturore, akademike e politike të Sarajevës, studiues, studentë, përfaqësues të trupit diplomatik dhe të mediave lokale dhe ndërkombëtare me seli në kryeqytetin boshnjak.
Gjithashtu mori pjesë edhe ambasadori i Bosnjë-Hercegovinës në Shqipëri, Sh.T.Z.Nusret Cancar, ambasadori i Maqedonisë së Veriut ne Sarajeve, Sh.T.Z.Ekrem Ebibi, konsulli i nderit i Shqipërisë në Bosnjë dhe ish ambasador i Bosnjë-Hercegovinës në Shqipëri, z.Muharrem Zejnullahu, etj.
Fjalën kryesore e mbajti ish Kryeministri i Bosnjë-Hercegovinës, z.Edhem Bicakcic, i cili theksoi se libri i ambasadorit Shaban Murati është një ngjarje e rëndësishme kulturore dhe kontribut i madh në bashkëpunimin midis dy popujve. Ai analizoi me hollësi vlerat e librit për Bosnjën dhe tha se libri ndriccon të vërtetat e ccështjes boshnjake nga këndvështrimi i rëndësishëm shqiptar dhe përben një dokument të ri shumë t vlefshëm për gjithë diplomatët dhe studiuesit, që merren dhe do të merren në të ardhmen me ccështjen boshnjake.
Dr.Sedat Beshlija, drejtor i departamentit të studimeve ne “Qendrën Ballkanike të analizave dhe studimeve” në fjalën e tij u ndal në vlerat shkencore të librit dhe nënvizoi se libri bëhet një referencë e nevojshme për studimet dhe studiuesit e temës boshnjake.
Në promovim përshëndetën edhe kryetari i Fondacionit “Alsar” z.Mehdi Gurra, dhe kryetari i Shoqatës “Tirana”, z.Arben Tafaj, të ftuar në promovim nga “Qendra Ballkanike e analizave dhe studimeve”.





Lajmet e fundit nga