web counter
LEXO PA REKLAMA!

SHKARKO APP

App Store
Google Play

Dështojnë zgjedhjet në PS/ Socialistët refuzojnë Rilindjen

16 Nëntor 2019, 11:10, Politikë CNA

Partia Socialiste po zhvillon sot zgjedhjet për delegatët e Kongresit.

Procesi për zgjedhjen e tyre ka nisur në orën 08:00 dhe pritet të përfundojë në orën 16:00.

Por, ndërkohë që ka kaluar ora 12:00, ajo që vihet re është një bojkot masiv nga anëtarësia e PS-së.

Kryeministri Edi Rama, por edhe eksponentë të tjerë të Rilindjes kanë nxituar të trumbetojnë fort këto zgjedhje, apo faktin se po testohet votimi elektronik.

Por, në fakt përtej ?suksesit? të pretenduar të Ramës, ajo çfarë ka ndodhur është se qendrat e votimit në të gjithë Shqipërinë janë pothuajse bosh fare.

Burime për CNA.al bëjnë të ditur se ka pasur një fluks të vogël vetëm rreth orës 09:00-10:00, dhe mesa duket socialistët kanë braktisur Edi Ramën dhe Rilindjen, duke mos marë pjesë në votim.

Nga të njëtat burime, CNA.al ka mësuar se ka vende ku pjesëmarrja nuk e kalon 10 përqindshin e anëtarësisë së PS-së.

Kështu socialistët po japin një mesazh të qartë për braktisjen e kryeministrit Edi Rama dhe sektit të tij rilindas.

Mospjesëmarrja në votimet e sotme, është një shenjë e pastër e pakënaqësisë dhe revoltës nga strukturat e brendshme të PS-së për kryetarin e partisë dhe sektin e Rilindjes./ CNA.al





Lajmet e fundit nga