web counter
LEXO PA REKLAMA!

SHKARKO APP

App Store
Google Play

“Franca nuk është kundër zgjerimit”/ Vasac jep mesazhin e rëndësishëm

10 Nëntor 2019, 19:30, Politikë CNA

?Franca nuk është në parim kundër integrimit të mëtejshëm të Shqipërisë.? Kështu është shprehur Ambasadorja franceze në Shqipëri Christine Vasac gjatë vizitës në ekspozitën e fotografi Roland Tasho, në Korcë.

Duke folur më tej, kryediplomatja tha se disa persona në vendin tonë kanë bërë keqinterpretime të vetos së Francës, por zgjodhi të mos flasë me emra.

“Nuk është diçka që bëhet ne diplomaci të tregohet një person me emër. Ne jetojmë në Shqipëri dhe e kemi parë atë që kanë thënë me nxitim disa persona.

Doja të përsërisja atë që tha Macron për këtë çështje. Ideja është që duhen marrë iniciativa në mënyrë që të përpiqet të gjendet një mënyrë e re e funksionimit të BE. Kjo është e vlefshme si për anëtarët  e BE, një kontekst që në Shqipëri ndoshta nuk mund të kuptohet aq drejtë sa duhet, që ka të bëjë me Brexit dhe është e vlefshme edhe për vendet e ardhshme anëtare.

Ai ka thënë se vendet e Ballkanit Perëndimor, mes të cilave është edhe Shqipëria kanë vokacion që të jenë në të ardhmen në BE. Franca nuk ka qenë asnjëherë kundër. Ka pasur thjesht disa interpretime që nuk korrespondojnë me të vërtetën. Po jua them edhe në shqip, “dera është e hapur”. Kjo do të thotë dy gjëra, së pari që reformat të vazhdojnë dhe të kenë rezultate konkrete. Nuk mjafton të miratohen ligje, ato duhet të zbatohen. Kjo kërkon vullnet politik të të gjithë  palëve si të qeverisë ashtu edhe opozitës”, tha Vasac./CNA.al

 





Lajmet e fundit nga