web counter
LEXO PA REKLAMA!

SHKARKO APP

App Store
Google Play

“Turi i Shpresës”/ Këlliçi thirrje rinisë: Zhvilloni presion pozitiv edhe ndaj Bashës

8 Nëntor 2019, 13:15, Politikë CNA

Kreu i Forumit Rinor të PD, Belind Këlliçi ka dhënë më shumë detaje lidhur me turin e kryedemokratit Lulzim Basha në 12 qarqe.

?Ky tur është 100% realist, pasi zoti Basha më shumë ka mbajtur shënim dhe në turin e dytë do të shkojë me propozime konkrete me problematikat që ka dëgjuar dhe për shqetësimet e të rinjve në çdo qytet. Shqetësimit janë kryesisht për eksodin. Papunësia është pengesë kryesore për të rinjtë, ndërsa problemi më i madh është mungesa e shpresës për ta. Të gjitha këto shqetësime mbahen shënim dhe më pas do të vijmë me një platformë konkrete. Është hera e parë që kjo dëgjesë që bëhet në të gjithë Shqipërinë.?, tha Këlliçi teksa ishte i ftuar në studion e A2.

Sipas Këlliçit, dështimi më i madh i kësaj qeveria është rinia.
Ai i bën thirrje rinisë shqiptare të zhvillojnë presion pozitiv edhe ndaj Bashës për të ndryshuar këtë realitet

?Zgjidhja nuk vjen nga qielli. Zgjidhjen duhet ta japim ne. Nuk mund të kemi një ndryshim të situatës nëse ne nuk marrim në dorë fatet tona. Ejani, bëhuni pjesë, zhvilloni presion pozitiv edhe ndaj Bashës për të ndryshuar këtë realitet ku bëjmë pjesë të gjithë. Nëse ne nuk e bëjmë këtë, asnjë zgjidhje nuk do të vijë?, shprehet Këlliçi./CNA.al





Lajmet e fundit nga