E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Hajdari zbardh mbledhjen e Komisionit të Reformës Zgjedhore/ Brenda nëntorit propozim për ndryshimin e sistemit

7 Nëntor 2019, 12:33, Politikë CNA

Deputetja demokrate, Rudina Hajdari ka dalë sot në një deklaratë për mediat, pas përfundimit të mbledhjes së Komisionit për Reformën Zgjedhore.

Deputetja Hajdari, u shpreh se në draftin është propozuar, të krijohet Komisioni Shtetëror i Zgjedhjeve. Ku fokusi mbetet tek administrata zgjedhore. Drafti është revolucion i mënyrës sesi administrohen zgjedhjet?.

Më tej, ajo theksoi se do ketë një seancë të dytë, ku do diskutohet për pyetjet në lidhje me këtë draft, i cili sipas deputetes Hajdari, është tejet i rëndësishëm, sepse flitet për një administratë të re zgjedhore, dhe që nuk duhet të cënojë besueshmërinë.

?Që të mos hidhet poshtë duhet tu kthejmë përgjigje të gjitha palëve në lidhje me këtë draft të ri të sjellë nga ekspertët. Kjo është një pikënisje e duhur por nuk kemi arritur ende në një konsensus.

Së pari duhet parë edhe profesioni i komisionerëve. Ky është shumë i rëndësishëm, por për këtë duhet ndryshuar edhe ligji për statusin e nënpunësit civil. Nëse nuk ndryshohet, nuk mund të zbatohet drafti.

Ne kemi ende shumë punë për të bërë dhe hapa për të ndjekur?-tha deputetja Hajdari.

Dhe pika e dytë e diskutuar, sipas Hajdarit, është përgjegjshmëria që duhet të kenë këto komisionerë si dhe duhet ngritur dhe një tjetër strukturë që do merret me ankimimet.

?Në momentin që këta komisionerë të zgjidhen do ketë një përgjegjshmëri të lartë ndaj tyre. Do ketë një llogaridhënie shumë të fortë, por për mënyrën sesi do jepet kjo llogari tregon se detyra e tyre do jetë tepër e rëndësishme dhe qytetare. Garancinë për këtë do e shohim kur të marrim pyetjet e secilit aktor?.-tha ndër të tjera Hajdari.

Më tej, ajo shtoi se është vendosur të ketë dhe një mbledhje tjetër që do merret me draftin e dytë, por sikurse e theksoi ajo, edhe ndryshimi i sistemit do të ketë një propozim konkret.

?Por mos harrojmë se edhe ndryshimi i sistemit do ketë një propozim konkret që do vijë brenda nëntorit. Shqiptarët duhet të kuptojnë se ajo që po ndodh sot është në shërbim të tyre?-tha Hajdari./ CNA.al