web counter
LEXO PA REKLAMA!

SHKARKO APP

App Store
Google Play

E fundit!

x

Modeli ynë dështoi/ Bushati-Ramës: Nuk është vonë për ndjesë publike

6 Nëntor 2019, 20:53, Politikë CNA

Ish ministri i Jashtëm, Ditmir Bushati, ka artikuluar edhe njëherë qëndimin e  tij, sa i përket rastit të Shkodrës me Valdrin Pjetrin.

Sipas Bushatit PS ka dështuar me modelin e saj  ndërsa theksoi se nuk është vonë për të kërkuar falje në mënyrë zyrtare.

?Është fakt që ne gabuam në Shkodër. Unë personalisht i kam kërkuar ndjesë opinionit publik. Nuk është vonë të kërkohet falje dhe në mënyrë zyrtare nga PS. Në Shkodër ka dështuar modeli ynë.

Nuk dua as të bëj Kasandrën sepse unë në radhë të parë jam djalë Shkodre, por unë kam bërë autokritikë të hapur.

E di gjithë Shkodra që kandidati nuk ishte propozim i strukturave socialiste të Shkodrës. Tendenca për tu përqëndruar tek kandidati është e gabuar. Kjo është një çështje që kandidati duhet ta zgjidh me autoritet ligjzbatuese.

Mua si politikan më intereson të ballaqafohem me zotimet tona. Unë nuk e pranoj dot që Shkodra të jetë në atë gjendje që është sot.

Nëse nuk adresojmë rrënjët e këtij fenomeni, bëjmë gabim të merremi me kandidatin. Ne duhet ti bëjmë pyetje vetes, pse në tryezat tona u kthyen këto fenomene. Mua smë shqetëson më se kush e propozoi Valdrin Pjetrin, por guximi i një kategori njerëzish që për tu tallur e keqpërodorur besimin që i vjen nga Partia Socialiste.

Çështja shtohet a do të ndahemi ne nga ky fenomen dhe si do të pëballemi me këtë virus. Ne duhet ti bëjmë një pyetje vetes, pse zona të caktuara të Shqipërisë janë zona me prapavijë kriminale”, theksoi më tej Bushati./CNA.al





Lajmet e fundit nga