E fundit!

19:44 Aktualitet

Protesta e 46 kundër qeverisë/ Qytetarët marshojnë drejt Kryeministrisë

Ka nisur protesta e 46 kundër qeverisë. Protestuesit janë...

Qeveria "zgjidh thesin" për banorët e Astirit/ I akordon 2 miliardë lekë 8 të parëve

6 Nëntor 2019, 17:58, Politikë CNA

Banorët e zonës së Astirit janë “thyer” duke pranuar bashkëpunimin me qeverinë. Për t?i hapur rrugë projektit të rehabilitimit dhe modernizimit të segmentit rrugor ?Pallati me Shigjeta ? Rrethrrotullimi Shqiponja?, tetë prej tyre kanë pranuar të shpronësohen me vlerën e tregut për ndërtesat e tyre që preken nga ky projekt.

Është kjo arsyeja që qeveria ka hapur sot ?thesin? për të kompensuar tetë familjet dhe bizneset e para që kanë dorëzuar dokumentet në kohë, të cilët do të përfitojnë në llogaritë e tyre bankare shumat e konsiderueshme që shkojnë deri në mbi 550 milionë lek të vjetra secili.

Në total, për tetë subjekteve të para që kanë pranuar shpronësimin, ARRSH u ka kaluar në llogaritë e tyre bankare shumën prej 1.882 miliard lekë të vjetra ose 1.5 milionë euro. Më konkretisht, familja e Rezi Gjonit që ka një banesë pranë rrethit të Doganës është shpronësuar me 515 milionë lekë të vjetra. Familja e Gjovalin Kulit për një servis makinash, përsëri pranë Doganës, ka marrë 163 milionë lekë, ndërsa Emin Dokushi është shpronësuar me plotë 556 milionë lekë.

Familja e Gëzim Llukës është shpronësuar me 40 milion lekë, ndërsa Rudolf Petoshati, për një ndërtesë që shërbente si biznes familjar, ka marrë në llogarinë e tij 269 milion lekë.

Familja e Gjergj Shkollës është shpronësuar me shumën 41 milion lekë, ndërsa biznesi Billa që funksionon pranë Unazës së Re ka përfituar 112 milionë lekë.

Familja me kryefamiljare Merita Çelmeta për një magazinë pranë Doganës ka përfituar shumën prej 182 milionë lekësh. Këto tetë objekte janë të parat që po i nënshtrohen procedurës së prishjes, menjëherë pasi pronarët e tyre janë shpronësuar dhe kanë marrë paratë në llogaritë e tyre bankare./CNA.al