E fundit!

16:50 Aktualitet

Siguroi kushtet për të kryer vrasjen e Hajrullës dhe Matodashajt/ GJKKO shpall dënimin për Erio Zejnon

Gjykata e Posaçme ka dënuar me 7.4 vjet burg Erio Zejnon, ...

Debati për historinë/ Shpërthen Gjekmarkaj: Nuk po nderohen heronjtë e vërtetë

6 Nëntor 2019, 21:54, Politikë CNA

Analisti Agron Gjekmarkaj është i ftuar mbrëmjen e sotme në ?Real Story?, ku po diskutohet lidhur me heronjtë që janë vendosur në Bulevardin ?Dëshmorët e Kombit? në prag të Festës të Çlirimit.

Gjekmarkaj u shpreh me tone mjaft të ashpra ndërsa tha se në Bulevard janë vendosur edhe fotot e atyre që përndoqën martirët e Kishës Katolike. Sipas tij duhet të ketë patjetër një mea culpa nga historianët e shkrimtarët por edhe një kërkim falje nga ata që dhunuan shqiptarët nga 1945 deri në 1990.

?Bie dakord me thelbin e luftës antifashiste që në thelbin e saj ka qenë një gjë e drejtë. Nuk bie dakord me përmasat e saj por shifrat nuk e ndryshojnë thelbin. Sepse ne sot nuk dimë realisht cilat janë betejat e mëdha të kësaj lufte. Ne nuk dimë realisht se sa heronj kemi dhe sa dëshmorë kemi. Nëse kthehemi tek heronjtë, heronjtë tanë janë fatkeq dy herë gjatë historisë. Ne i kemi zhveshur ata nga miteca, i kemi zhveshur nga solemniteti, i kemi bërë objekt propagande, hiberbolash dhe mitologjish të paqena. Asnjë hero nuk do dëshironte të kishte një fat të tillë, siç kanë pasur heronjtë shqiptarë nga 1944 deri në 1990 në tekstet e shkollave të Shqipërisë. Unë kam qenë adoleshent kur ka ndryshuar regjimi por më pas kam pritur një reagim që nuk e kam gjetur as tek historianët, të cilët nuk pranuan kurrë të ishin vegla të regjimit.

Nuk e kam gjetur as tek shkrimtarët, të bëjnë një mea culpa, të revizionojnë vetveten dhe çfarë ndodhi? Ata për të mbrojtur të pavërteta që mbrojtën deri në ?90, vazhduan t?i mbrojnë dhe pas ?90 sepse mbeten pa vepër, mbeten pa punë, mbeten pa rol dhe u bënë pjesë e mizanskenave politike duke ushqyer politikën ende me ideologji të rreme. Në qoftë se kthehemi tek kjo që ndodh në Bulevard, një pjesë e tyre janë heronj të vërtetë që meritojnë respekt. Do t?i referohesha një prelati, i cili vetë u bë martir At Gjon Shllaku që tha pak para se të pushkatohej: ?Një vend që nuk respekton dëshmorët e vet është një vend që nuk meriton të ketë histori dhe nuk meriton të ketë as të ardhme?. Pra ne duhet t?i respektojmë dëshmorët tanë, por dëshmorët e vërtetë, jo listat e dëshmorëve dhe të heronjve që ka bërë byroja politike në Shqipëri.

Ka disa kategori të vrarësh. Kush e meriton statusin e heroit, e meriton ai që bie në përpjekje me okupatorin. E meriton Qemal Stafa, e meriton Vojo Kushi, Perlat Rexhepi, Branko Kadia, e meritojnë shumë të tjerë.

Nuk e meritojnë ata që kanë vrarë ballistët dhe janë vrarë nga ballistët. Nuk e meritojnë ata që kanë ndjekur Abaz Kupin dhe janë vrarë nga forcat e Abaz Kupit. Absolutisht jo.

Sepse deri në 1943, lufta ka qenë plurale, rezistenca ka qenë pluraliste. Nga Mukja deri në mbarim ka pasur të gjitha trajtat e luftës civile për pushtet. Komunistët e kuptuan dhe ka dokumente pafund që lufta ndryshoi thelbin për arsye pushteti, jo për arsye kauze, jo për arsye drejtësie.?/CNA.al