web counter
LEXO PA REKLAMA!

SHKARKO APP

App Store
Google Play

E fundit!

x

Projekti i Unazës së Re/ Ish deputeti zbulon prapaskenat e dhënies së tenderit

4 Nëntor 2019, 16:38, Politikë CNA

Ish deputeti Klevis Balliu, teksa fliste për çështjen e Unazës së Re dhe mungesën e dialogut të qeverisë me banorët, ka akuzuar këtë të fundit për afera korruptive me firmën Salillari.

Nga studio e ABC Neës, ish deputeti Balliu është shprehur se arsyeja se pse qeveria vijon t’i jap projekte për të ndërtuar Salillarit është për shkak të aferave korruptive që ajo ka me këtë firmë.

Teksa shprehet se “qeveria s’do t’ia dijë për qytetarin e pastër, por vetëm për oligarkët”, Balliu ka bërë thirrje edhe njëherë për dëmshpërblimin e këtyre banorëve sipas ligjit.

“Në Unazë nuk ka një projekt sepse akoma as nuk e dim se çfarë është ajo rrugë aty me atë gjerësi. Banorët kanë një vit që kërkojnë vetëm një dialog me qeverinë për të folur për dëmshpërblimet dhe dëmshpërblimi të bëhet qoftë me banesa sociale apo edhe në shuma parash. Por duhet që dëmshpërblimi të bëhet cent për cent sipas ligjit, të shkosh atje të bisedosh me banorët, jo me telefon siç e bën Edi Rama nga Surreli.

Pse Edi Rama ishte gati të bënte bashkëbisedim me banorë fals dhe jo me qytetarin e thjesht?

Kjo sepse kjo qeveri nuk do t’ia dije për qytetarin e pastër, por vetëm për oligarkët.

Çfarë i dha kjo qeveri në vend të dialogut banorëve? Vetëm dhunë mbi gratë, burgosi banorët dhe madje edhe gratë shtatëzana .

Madje përsa i përket firmës që ka marrë tenderin për këtë projekt, Salillari, mesa kemi informacion është se ajo ka një kompani e cila mbikqyr financat e saj, që është vënë për të mbikqyryr punimet tek Unaza. Një gjë e tillë nuk lejohet me ligj. U rrotulluan nga u rrotulluan dhe sërish tek Salillari doli qeveria. Pse? Sepse me Salillarin i ka bërë bizneset e vjedhjes së 40 mln eurove”, ka thënë ndër të tjera ish deputeti./CNA.al





Lajmet e fundit nga