web counter
LEXO PA REKLAMA!

SHKARKO APP

App Store
Google Play

Basha takim me të rinjtë/ Nis turin nga Elbasani me një premtim

4 Nëntor 2019, 17:10, Politikë CNA

Kryetari i Partisë Demokratike Lulzim Basha në një takim me të rinjtë nga Elbasani është shprehur se qeveria ka dështuar totalisht në politikat e saj ndaj rinisë, duke i ofruar asaj si rrugëzgjidhje vetëm emigrimin.

?Sot është një ditë e madhe, më 4 nëntor rinia gjermane rrëzoi Murin e Berlinit, ndërsa më 4 nëntor pas rënies së komunizmit u mbajt Mesha e parë në Shkodër. Vendi duhet të dalë sa më shpejt nga kjo krizë e tmerrshme, sepse rinisë ia kanë hequr të drejtat, sepse ky kryeministër, ky pushtet, ka dështuar me rininë, duke i mbajtur me rroga të tmerrshme, me kushte jetese shumë të dobëta, me arsim që vështirësisht është i mundshëm, me gjendjen e dobët ekonomike familjare në Shqipëri. Ky kryeministër ka dështuar në mënyrë të qartë?, tha Basha.

Teksa akuzonte qeverinë se me politikat e ndërmarra ka vrarë shpresën e rinisë dhe të shqiptarëve, kreu i demokratëve, ka bërë një premtim përball studentëve se PD do të sjellë politika frytë-dhënëse për rininë e Shqipërinë me qëllim rikthimin e shpresës.

?Kjo qeveri ka vrarë shpresën, besimin tek e nesërmja dhe ka detyruar rininë të drejtohet në vetëm një shtegun e emigracionit. Nuk ka pse të jetë kështu, sepse jetojmë në një vend të bekuar dhe që banohet me njerëz punëtor e të ndershëm. Shqiptarët kanë shkëlqyer gjithmonë, por duhet një qeveri që të mbështesë këtë rini. Unë zotohem dhe PD që të kthejmë shpresën në vendin tonë, t?iu japim mundësi që të ketë këtu shanse për vende pune, përmes klimës atraktive të afrimit të investitorëve. Ne do të ndryshojmë këtë vend, ta bëjmë të atillë që ju si rini të zgjidhni të rrini këtu, të punësoheni këtu e të ndërtoni familjet tuaja këtu. Nga Elbasani PD nis turin e saj bashkëbisedues me rininë dhe shqiptarët?, deklaroi Basha./CNA.al





Lajmet e fundit nga