E fundit!

21:25 Aktualitet

"Përgjegjësit u dënuan"/ Blendi Klosi: Rrethimi në Zvërnec është hequr

Sekretari i Përgjithshëm i PS-së, Blendi Klosi, ka bërë me...

Kryegjyqtari që rrahu avokaten/ Skandali drejt Vettingut

30 Tetor 2019, 11:14, Vetingu CNA

Komisioni i Vettingut, të paktën shkalla e parë e ka mbyllur muajin tetor me gjyqtaren e Apelit të Shkodrës Hajrie Muçmata. Nga Gjykata e Apelit të Shkodrës Vettingu do të zhvendoset tek një tjetër emër që është në listën prioritare, përkatësisht tek kryetari i Gjykatës së Kukësit, Isuf Shehu.

Rivlerësimi për Shehun do të bëhet me 1 nëntor nga treshja e KPK-së, Suela Zhegu, Xhensila Pine dhe Brunilda Bekteshi.

Në aspektin profesionale kreu i Gjykatës së Kukësit rezulton i lakuar për çështje dhune. Nuk bëhet fjalë për gjykimin e ndonjë rasti me object dhunën, por ai është filmuar dhe fotografuar duke rrahur një avokate.

Skandali fillimisht u publikua nga emisioni Stop dhe më pas gjeti jehonë në të gjitha mediat e tjera.

Në një video të fimuar nga kamerat e sigurisë, shihej krygjyqtari Isuf Shehu duke rrahur avokaten Aurora Guska.

Gjithcka sipas pamjeve dhe fotove që qarkulluan në media, ka ndodhur tek hyrja e Gjykatës së Kukësit.

Ata ndalojnë para hyrjes dhe Kryetari i Gjykatës e godet avokaten në fytyrë duke e hedhur tutje. Pasi bie përtokë, avokatja ngrihet dhe e ndjek nga pas.

Se çfarë ka ndodhur më tej me këtë rast nuk dihet, mbase çdo gjë mund të jetë mbyllur dhe privatisht, por kjo nuk e justifikion sjelljen e kryetarit të Gjykatës së Kukësit. Detajet i filtron Vettingu, por për taksapaguesit pamjet e dhunës që dolën në media ishin të rënda.

Sa i përket pasurisë, referuar të dhënave që CNA.al ka marrë pranë ILDKPKI-së, rezulton se subjekti Isuf Shehu ka vetëm një patundshmëri, shtëpinë ku ai jeton.

Ai ka deklaruar se duke qenë i pastrehë, Këshilli i Territorit Kukës i ka dhënë një shesh ndërtimi me sipërfaqe 2000 m2 për ndërtimin e një banesë. Vlera sipas tij shkonte në 2 milion lekë. Por më vonë ai nuk ka deklaruar se sa i ka kushtuar shtëpia që ka ndërtuar në këtë shesh.

Për të justifikuar burimin e parave për shtëpinë, ai ka deklaruar kredi.

Sipas tij bashkëshortja njëherë ka marrë një kredi me vlerë 1 500 000 lekë me afat 7 vjeçar dhe më pas ka marrë një kredi tjetër 1 300 000 lekë, me të cilën ka shlyer të parën.

Burimet e të ardhurave i ka nga pagat, tek të cilat llogarit edhe pagën e djalit që e ka punësuar në OSSH Kukës.

Më poshtë po sjellim pasurinë e deklaruar nga subjekti Isuf Shehu.

Viti 2003

Shesh ndërtimi me sip 2000 m2, dhënë nga Këshilli i Territorit Kukës për ndërtimin e një banesë meqenëse figuronte i pastrehë. Vlera 2 milion.

Burimi, paga e subjektit deklarues në shumën 61 160 në muaj dhe paga e bashkëshortes 16 000 lekë në muaj.

Automjet me vlerë 1500 euro.

Viti 2004

Shtëpi banimi e papërfunduar, ndërtuar në truallin me sip 2 000 m2, dhënë nga Këshilli i Territorit Kukës.

Automjet me vlerë 1500 euro.

Të ardhurat nga paga si gjyqtar në Kukës, në shumën 900 000 lekë.

Të ardhura nga paga e bashkëshortes në shumën 198 000 lekë.

Viti 2005

Të ardhurat nga paga si gjyqtar në Kukës, në shumën 810 000 lekë.

Të ardhura nga paga e bashkëshortes si mësuesë në shumën 210 600 lekë.

Viti 2006

Makina tip Audi e dëmtuar nga një aksident.

Të ardhurat nga paga si gjyqtar në Kukës, në shumën 780 000 lekë në muaj.

Shpërblim vjetor 30 000 lekë.

Të ardhura nga paga e bashkëshortes si mësuesë në shumën 264 000 lekë në muaj.

Bashkëshortja ka marrë kredi në shumën 500 000 lekë me afat shlyerje tre vjet. Kësti mujor 17 500 lekë.

Viti 2007

Të ardhurat nga paga si gjyqtar në Kukës, në shumën 756 000 lekë në muaj.

Shpërblim vjetor dhe orë shtesë 135 000 lekë.

Të ardhura nga paga e bashkëshortes si mësuesë në shumën 282 000 lekë në muaj.

Bashkëshortja ka marrë kredi në shumën 500 000 lekë me afat shlyerje tre vjet. Kësti mujor 17 500 lekë. Shlyer shuma 315 000 lekë.

Viti 2008

Të ardhurat nga paga si gjyqtar në Kukës, në shumën 886 000 lekë.

Të ardhura nga paga e bashkëshortes si mësuesë në shumën 406 000 lekë.

Bashkëshortja ka marrë kredi në shumën 500 000 lekë me afat shlyerje tre vjet. Kësti mujor 17 500 lekë. Pa shlyer shuma 158 400 lekë.

Viti 2009

Shtëpi banimi ndërtuar në truallin me sip 2 000 m2, dhënë nga Këshilli i Territorit Kukës. Ka nisur procedurat e legalizimit.

Të ardhurat nga paga si gjyqtar në Kukës, në shumën 960 000 lekë.

Të ardhura nga paga e bashkëshortes si mësuesë në shumën 444 000 lekë.

Viti 2010

Autoveturë Benz me vlerë 500 000 lekë.

Të ardhurat nga paga si gjyqtar në Kukës, në shumën 978 000 lekë.

Shpërbim vjetor në shumën 100 000 lekë.

Të ardhura nga paga e bashkëshortes si mësuesë në shumën 510 000 lekë.

Viti 2011

Të ardhurat nga paga si gjyqtar në Kukës, në shumën 999 600 lekë.

Të ardhura nga paga e bashkëshortes si mësuesë në shumën 564 000 lekë.

Me datë 1.06.2011 ka marrë kredi për shtëpi në shumën 1 500 000 lekë me afat 7 vjeçar dhe me interes 16%. Kësti mujor 29 793 lekë.

Me datë 27.01.2012 ka marrë kredi në shumën 1 300 000 lekë. Këtë shumë e ka derdhur për të shlyer kredinë e mëparshme. Kësti mujor është 18 569 lekë. Këtë lojë ai deklaron se e ka bërë për shkak se ka gjetur interesa më të ulta në një bankë tjetër, por nuk deklaron se sa përqind ishte interesi.

Viti 2012

Të ardhurat nga paga si gjyqtar në Kukës, në shumën 1 320 000 lekë.

Të ardhura nga paga e bashkëshortes si mësuesë në shumën 49 000lekë në muaj.

Me datë 1.06.2011 ka marrë kredi për shtëpi në shumën 1 500 000 lekë me afat 7 vjeçar dhe me interes 16%. Detyrimi i pashlyer është 1 77 200 lekë.

Me datë 27.01.2012 ka marrë kredi në shumën 1 300 000 lekë. Këtë shumë e ka derdhur për të shlyer kredinë e mëparshme. Detyrimi i pashlyer është 1 112 601 97 lekë.

Viti 2013

Të ardhurat nga paga si gjyqtar në Kukës, në shumën 991 016 lekë.

Me dieta dhe shtesa shkon në shumën 1 143 188 lekë.

Të ardhura nga paga e bashkëshortes si mësuesë në shumën 608 274 lekë.

Me datë 1.06.2011 ka marrë kredi për shtëpi në shumën 1 500 000 lekë me afat 7 vjecar dhe me interes 16%. Detyrimi i pashlyer është 158 043 lekë.

Me datë 27.01.2012 ka marrë kredi në shumën 1 300 000 lekë. Këtë shumë e ka derdhur për të shlyer kredinë e mëparshme. Detyrimi i pashlyer është 1 136 447 08 lekë.

Viti 2014

Të ardhurat nga paga si gjyqtar në Kukës, në shumën 1 171 940 lekë.

Të ardhura nga paga e bashkëshortes si mësuesë në shumën 470 565 lekë.

Me datë 1.06.2011 ka marrë kredi për shtëpi në shumën 1 500 000 lekë me afat 7 vjeçar dhe me interes 16%. Detyrimi i pashlyer është 131 243 lekë.

Me datë 27.01.2012 ka marrë kredi në shumën 1 300 000 lekë. Këtë shumë e ka derdhur për të shlyer kredinë e mëparshme.. Detyrimi i pashlyer është 1 057 588 lekë.

Viti 2015

Të ardhurat nga paga si gjyqtar në Kukës, në shumën 1 351 900 lekë.

Të ardhura nga paga e bashkëshortes si mësuesë në shumën 476 184 lekë.

Me datë 1.06.2011 ka marrë kredi për shtëpi në shumën 1 500 000 lekë me afat 7 vjeçar dhe me interes 16%. Detyrimi i pashlyer është 103 173lekë.

Me datë 27.01.2012 ka marrë kredi në shumën 1 300 000 lekë. Këtë shumë e ka derdhur për të shlyer kredinë e mëparshme.. Detyrimi i pashlyer është 934 204 38 lekë.

Viti 2016

Të ardhura nga paga dhe shërbime për periudhën 01-01 deri 31.12.2016 në shumën 1.776.500 lekë.

Të ardhurat e pagës së bashkëshortes për periudhën 01-01 deri më 31.12.2016 (Drejtoria Rajonale Arsimore Kukës), në shumën 635,773.68 lekë.

Të ardhurat e pagës + dieta te djalit, Andi Shehu për periudhën 01.01 deri me 31.12.2016, (OSHEE, Njësia Kukës), në shumën 673,662 lekë

Kredi për shtëpi në shumën prej 200.000 lekë. Kohëzgjatja 7 vjet, data e fillimit 01.06.2011 deri me 31.05.2018. Kësti mujor është: 4.180 lekë.

Janë shlyer 50,160 lekë, ndërsa janë pashlyer 63.006,14 lekë.

Kredi 1.300.000 lekë me afat 10 vjeçar. Kësti mujor është: 15349.41 lekë.

Janë shlyer 128,126.89 lekë, ndërsa janë pashlyer 815,885.42 lekë.

Viti 2017

Të ardhura nga paga dhe shërbimet e subjektit në shumën 1 890 750 lekë.

Të ardhurat e pagës së bashkëshortes, (Drejtoria Rajonale Arsimore Kukës), në shumën 672 191 67 leke.

Të ardhurat e pagës + dieta te djalit, Andi Shehu (OSHEE, Njësia Kukës), në shumën 881 388 lekë.

Kredi për shtëpi në shumën prej 200.000 lekë. Kohëzgjatja 7 vjet, data e fillimit 01.06.2011 deri me 31.05.2018. Kësti mujor është: 4.180 lekë. Detyrimi i pashlyer është 12 846 14 lekë.

Kredi 1.300.000 lekë me afat 10 vjeçar. Kësti mujor është: 15349.41 lekë. Detyrimi i pashlyer është 681 241 45 lekë.

Viti 2018

Gjendje në llogarinë personale të krijuar nga paga në shumën 43 196 91 lekë.

Të ardhura nga paga dhe shërbimet e subjektit në shumën 2 132 942 04 lekë.

Të ardhurat e pagës së bashkëshortes, (Drejtoria Rajonale Arsimore Kukës), në shumën 709 733 47 leke.

Të ardhurat e pagës + dieta te djalit, Andi Shehu, (OSHEE, Njësia Kukës), në shumën 618 137.57 lekë.

Kredi 1.300.000 lekë me afat 10 vjeçar. Detyrimi i pashlyer është 535 883 52 lekë.

Gjendje llogarie e bashkëshortes Teuta Shehu në shumën 323 254 19 lekë./CNA.al