E fundit!

14:54 Politikë

"Nuk mjafton produkti formal, por përmbajtja"/ Debat Boçi-Mazniku për afatin e Reformës Territoriale

Këtë të mërkurë po mbahet seanca e radhës e Komisionit të ...

Ndoqi deri në vdekje kryeterroristin e ISIS/ Qeni i ushtrisë amerikane “kandidat” për hero

29 Tetor 2019, 18:26, Kosova & Bota CNA

Një qen i ushtrisë amerikane, i cili ndoqi deri në vdekje në Siri liderin e IS Abu Bakr al-Bagdadi është bërë fjala kryesore në mediat ndërkombëtare.

Qenit, i cili mori pjesë në luftën kundër terrorizmit islamik, nuk i ka munguar as vëmendja e Presidentit amerikan Donald Trump dhe e krerëve të ushtrisë amerikane, të cilët e lëvduan për punën e bërë.

Qeni ?i mrekullueshëm? ka bërë një ?punë të shkëlqyer, në ndalimin dhe në vrasjen? e terroristit në Siri, shkroi Trump në Twitter duke publikuar një foto të kafshës.

?Ne kemi bërë publike një foto të qenit të mrekullueshëm që bëri një punë të shkëlqyer në kapjen dhe vrasjen e udhëheqësit të ISIS, Abu Bakr al-Bagdadi!?, shkruan Trump.

Shefi i Shtabit të Përgjithshëm, Mark Milley gjithashtu theksoi se qeni kishte bërë një ?shërbim të jashtëzakonshëm?. Kafsha e cila momentalisht është i plagosur pas aksionit, po merr trajtimin e duhur për një shërim të plotë.

Pavarësisht se nuk tregoi emrin dhe racën e tij, Shefi i Shtabit të Përgjithshëm amerikan është shprehur se qeni ndodhet nën kujdesin e një ushtaraku përgjegjës për të në shërbim.

?Ne e mbrojmë identitetin e qenit?, tha Milley. Ai e justifikoi këtë me rrethanën se qeni ndodhet akoma në zonën e operacionit. Me sa duket bëhet fjalë për një qen stani belg, racë kjo e cila përdoret shpesh nga forcat speciale të ushtrisë amerikane.

Qeni e ndoqi pas në një tunel kreun e milicisë xhihadiste ?Shteti Islamik?, ku al-Bagdadi më pas vrau veten duke ndezur një jelek me lëndë shpërthyese. Edhe tre nga fëmijët e tij vdiqën, u tha. Qeni u nxorr nga ushtarët amerikanë.

Përsa i përket ish-liderit të ISIS, Ministria amerikane e Mbrojtjes ka deklaruar se pas vdekjes së tij, eshtrat u varrosën në det të hapur. Pavarësisht se nuk u dhanë shumë detaje nga funeral i tij, Milley u shpreh se ?eleminimi? i kufomës së al-Bagdadit ishte bërë ?në mënyrë të përshtatshme? dhe kishte përfunduar.

Kujtojmë se e njëjta gjë ndodhi edhe me kufomën e liderit të Al-Kaida-s, Osama bin Laden, i cili u vra në një operacion ushtarak amerikan në Pakistan në vitin 2011. Po ashtu, bin Laden u varros në det./CNA.al